Иссиқ ҳаво шароитида кўпчилик анъанавий қоидаларга амал қилади — ҳарорат кўтарилганда кўчада юрмаслик, кўпроқ сув ичиш ва қуёш тикка кўтарилганда сув ҳавзаларида чўмилмаслик каби. Бироқ ҳаддан ташқари иссиқ об-ҳаво нохуш оқибатларга олиб келмаслиги учун билиб қўйиш фойдали бўлган бир неча қоидалар бор. Қуйида айримлари ҳақида айтиб ўтамиз.
Муздек сув ичманг
Иссиқ бўлганда музқаймоқ истеъмол қилишдан яна нима ёқимлироқ бўлиши мумкин? Диетолог Керри Торренснинг сўзларига кўра, бу қарор кўпинча тескари натижа кўрсатиб, одамда иссиқликни янада ошишига олиб келади.
“Озиқ-овқат истеъмол қилиш ҳароратни оширади, чунки овқат ҳазм қилиш вақтида организмда қўшимча иссиқлик ажралиб чиқади. Бу совуқ таом ва ичимликлар туфайли юзага келадиган тез совиш жараёни билан бирга организм ички ҳароратни кўтаради. Шу орқали организмда ортиқча компенсация юз беради.
Янги пойабзал сотиб олманг
Иссиқ ҳавода вақт ўтказиш учун кондиционерли савдо марказларида вақт ўтказиш энг қулай жой бўлса-да, бу вақтда пойабзал дўконларидан узоқроқ бўлган маъқул. Иссиқда оёқлар шишади ва танланган пойабзал кейинчалик жуда катта бўлиб чиқиши мумкин.
Термал шиш деб номланувчи таъсир одатда қон томирларининг иссиқда шишиши туфайли юзага келади. Бу тана ҳароратини тартибга солиш жараёнининг бир қисмидир. Ўзгариш кузатилганда, суюқлик атрофдаги тўқималарга кириб, шиш пайдо қилади.
Манго, қушқўнмас ёки артишок еманг
Иссиқ ҳавода спиртли ичимликлар каби кўплаб нарсалардан қочиш тавсия этилади. Маълумки, улар организмни сувсизлантиради. Бироқ бир қатор диуретик овқатлар ҳам сувсизланишга олиб келади, жумладан, манго, қушқўнмас ва артишок. Улар нафақат мазали, балки организмдаги суюқликни ушлаб туришдан азият чекадиган одамлар учун ҳам фойдалидир. Аммо иссиқда улардан воз кечиш яхшироқдир. Организмдаги намликни кўпроқ ушлаб туриш учун помидор, бодринг, резаворлар ва исмалоқ каби суви кўп кўкатларни истеъмол қилган маъқул.
Иссиқ ҳавода кокос сути ёки сув ичишингиз мумкин, унда калий, натрий ва магний каби электролитлар мавжуд бўлиб, гидрацияга ёрдам беради.
Уйни таъмирлатманг
Иссиқ ҳавода қуриш учун қолдирилган уй бўёқлари деворларда кутилганидек чиройли чиқмаслиги, яъни қабариқлар ҳосил бўлиши эҳтимоли юқори. Бунинг сабаби шундаки, юқори ҳарорат бўёқ плёнкаси остида намлик ва ҳавонинг кенгайишига олиб келади. Кейин у пуфакчалар ҳосил қилиб, ташқарига чиқади. Худди шундай жуда иссиқ ҳавода уй деворига гулқоғоз ёпиштирмаган маъқул. Баланд ҳарорат деворга ёпиштиришдан олдин девор қоғозига қўлланиладиган паста ёпиштирувчи воситани қуритиши ёки қоғознинг чеккаларида буришишига олиб келиши мумкин.
Телефонингизни кун давомида қувватлантирманг
Жиҳозларда маълум миқдорда иссиқлик ҳосил бўлади. 2020 йилда ZDNet тадқиқотчилари симсиз зарядловчини термал тасвир камераси ёрдамида синовдан ўтказишди ва у фойдаланиш пайтида ҳам, фойдаланилмаганда ҳам қанчалик иссиқ эканлигини ўрганишди. Улар iPhone 11 Prо Мах симсиз зарядловчи қурилмага ўрнатилганда қурилма ҳарорати 32°C га етганини, ўша пайтда эса атроф-муҳит ҳарорати 20°C бўлганини аниқлашди.
Шунинг учун фойдаланилмаётганда қурилмаларни ўчириб қўйиш керак, шунингдек, ички қисмлари қизиб кетмаслиги учун музлаткичларнинг орқасида шамол айланиши учун етарли жой мавжудлигига ишонч ҳосил қилинг.
Изоҳ (0)