Янги уйга кўчиб ўтсак, бу жойни имкон қадар тезроқ ҳақиқий шинам хонадонга айлантиришни истаймиз. Қуйидаги жиҳозлар ҳамёнбоп бўлиши билан бирга бир зумда ҳар қандай уйни кутилмаган даражада ўзгартириб, ўзига хос услуб яралиши учун ҳисса қўшади.
Текстиль маҳсулотлари
Сиз баъзи нарсаларни сотиб олмоқчи эмассиз, лекин кундалик ҳаётингизни қулай қилади. Сизга нима керак бўлиши мумкинлигини ёзинг:
- бир неча ўлчам ва шаклдаги диван учун ёстиқчалар;
- кресло устига қўйиладиган ёстиқчалар;
- ҳар хил об-ҳаво учун турли тўқима ва ўлчамдаги бир нечта адёл;
- чойшаб;
- хоҳишга қараб деразалар учун тюл;
- уй ҳайвонлари учун тўшак;
- ошхонадаги стуллар учун ёстиқчалар ёки қопламалар;
- ошхонадаги сочиқлар;
- дастурхон ва қўл артиш учун сочиқлар.
Фото: “Новий очаг”
Чироқлар
Иш столи ва ошхонадаги чироқлардан ташқари ёруғлиги баланд бўлган чироқлар керак эмас. Бошқа жойларда сарғиш рангга эга бўлган лампочкани ўрнатган маъқул. Ёритишнинг турли “сценарийларини” режалаштириб, пул ва куч сарфламанг.
Бундан ташқари, уйнинг алоҳида бурчакларини ажратиб кўрсатишингиз, гулчамбарларни осиб қўйишингиз, тунги чироқ ва декоратив лампаларни ўрнатишингиз мумкин — бу ёғи хоҳиш ва дидингизга ҳавола. Эсингизда бўлсин — хирароқ чироқлар уйингизни қанчалик ёритиб турса, у шунчалик шинам бўлади.
Кўзгу
Катта бўлмаган уйга шинамлик қўшишнинг кўзгулардан кўра яхшироқ усули йўқ. Улар кундузи ёруғлик беради ва кечалари сирли порлашни ҳосил қилади. Кўзгулар туфайли ҳар қандай хона каттароқ кўринади.
Суратлар
Плакатлар, суратлар, эскизлар. Синаб кўринг: девор декораси ички дунёйингизни акс эттирсин. Машҳур рассомлар сурати билан фарзандингиз чизган суратни ҳам ёнма-ён илиб қўйишингиз мумкин. Махсус ихтисослашган сайтларда ёки уларнинг ижтимоий тармоқларида ёш рассомларнинг асл расмларини арзон нархда сотиб олсангиз ёки буюртма берсангиз бўлади.
Ўсимликлар
Яшиллик — уйнинг тирик юраги. Харид қилиш учун кўп пул сарфлашнинг ҳожати йўқ: гул сотувчилар кўпинча метро яқинида туришади, шунингдек, гуллар бепул эълонлар сайтларида сотилади. Шунингдек, ўсимликларни ижтимоий тармоқлардаги махсус гуруҳлар орқали сотиб олиш мумкин.
Изоҳ (0)