Президентнинг тегишли қарори билан Ўзбекистоннинг учта ҳудудида қуёш фотоэлектр станциялари қурилади.
Давлат раҳбарининг 14 июнда имзоланган қарорига кўра, қуёш фотоэлектр станцияларини барпо этиш бўйича инвестиция лойиҳалари қуйидаги ҳудудларда амалга оширилади:
- Тошкент вилоятининг Юқоричирчиқ туманида (қуввати 400 МВт);
- Бухоро вилоятининг Қоровулбозор туманида (қуввати 500 МВт);
- Қашқадарё вилоятининг Нишон туманида (қуввати 500 МВт).
Шунингдек, Юқоричирчиқ туманида қуввати 334 МВт бўлган электр энергиясини сақлаш тизими қурилади.
Мазкур инвестиция лойиҳаларини амалга ошириш доирасида инвестиция битимлари тасдиқланади, электр энергиясини сотиб олиш тўғрисидаги битимлар маъқулланади.
Тегишли лойиҳа компаниялари томонидан ер участкалари учун тўланадиган ижара тўлови миқдори ер солиғи миқдорига тенглаштирилади.
Изоҳ (0)