Самарқанд вилоят ИИБ Тергов бошқармаси ходимлари ва унинг қуйи тизимидаги терговчилар 2023 йилнинг ўтган беш ойи давомида 2685 та жиноят ишини тергов қилган. Бу ҳақда бошқарманинг жорий йилнинг беш ойи якунларига бағишланган ҳисобот йиғилишида маълум қилинди, дея хабар қилди вилоят ИИБ ахборот хизмати.
Самарқанд вилоят ИИБ ахборот хизмати раҳбари Жаҳонгир Сагдуллаевнинг “Дарё”га билдиришича, тергов қилинган ишлар бўйича 1917 нафар шахс судга берилган.
“Жорий йилнинг беш ойи давомида Тергов бошқармаси ва унинг қуйи тизими томонидан жами 2685 та жиноят иши тергов қилиниб, шундан 1865 таси ёки 69,5 фоизи тамомланган. Тамомланган ишларнинг 1510 тасига кўра, Жиноят процессуал кодексининг 381-моддаси тартибида айблов хулосаси ва айблов далолатномалари тузилган. 110 таси бўйича 584-моддаси тартибида ярашувга эришилган. 4 таси бўйича 572-моддаси тартибида мажбурий тиббий даволаниш билан судларга юборилган. Жиноят ишларининг 191 таси кодекснинг 83—84-моддалари тартибида тугатилган”, — дейди Жаҳонгир Сагдуллаев.
Таъкидланишича, тамомланган ишлар бўйича 1917 нафар киши судга берилган.
“Жиноят ишлари бўйича судга берилганларнинг 791 нафаридан муносиб хулқ атворда бўлиш тўғрисида тилхат олинган. 559 нафарига қамоққа олиш тарзидаги эҳтиёт чора қўлланилган. 431 нафарига нисбатан гаров қўлланилиб, очиққа чиқарилган. 58 нафарига шахсий кафиллик қўлланилган. 27 нафарига уй қамоғи, 25 нафарига кузатув остига топшириш тарзидаги эҳтиёт чоралари қўлланилган. Терговчилар томонидан қидирувда бўлган 8 нафар шахс ушланган”, — дейди масъул.
.jpg)
Қўшимча қилинишича, шу муддат давомида аниқланган 78 миллиард 701 миллион сўмлик моддий зарардан 69 миллиард 949 миллион сўми ундирилган.
Изоҳ (0)