Prezidentning tegishli qarori bilan O‘zbekistonning uchta hududida quyosh fotoelektr stansiyalari quriladi.
Davlat rahbarining 14-iyunda imzolangan qaroriga ko‘ra, quyosh fotoelektr stansiyalarini barpo etish bo‘yicha investitsiya loyihalari quyidagi hududlarda amalga oshiriladi:
- Toshkent viloyatining Yuqorichirchiq tumanida (quvvati 400 MVt);
- Buxoro viloyatining Qorovulbozor tumanida (quvvati 500 MVt);
- Qashqadaryo viloyatining Nishon tumanida (quvvati 500 MVt).
Shuningdek, Yuqorichirchiq tumanida quvvati 334 MVt bo‘lgan elektr energiyasini saqlash tizimi quriladi.
Mazkur investitsiya loyihalarini amalga oshirish doirasida investitsiya bitimlari tasdiqlanadi, elektr energiyasini sotib olish to‘g‘risidagi bitimlar maʼqullanadi.
Tegishli loyiha kompaniyalari tomonidan yer uchastkalari uchun to‘lanadigan ijara to‘lovi miqdori yer solig‘i miqdoriga tenglashtiriladi.
Izoh (0)