Аргентиналик футболчи Лионель Месси Жаҳон Чемпионати Кубоги, яхши инсон сифатида хотира қолишни хоҳлаши ва “Интер Майами”га ўтиш ҳақида гапириб ўтди:
Бу Жаҳон Чемпионати мен учун охиргисилигини ҳис қилганим туфайли ундан завқ ололдим. Агар ғалаба қозонмаганимизда аллақачон терма жамоадаги фаолиятимни якунлаган бўлардим.
Клуб миқёсида ва индивидуал совринларнинг барчасини қўлга киритганимдан сўнг, терма жамоа билан соврин юта олмасам, нимадир камдек бўлиб қолаверарди.
Энди мундиални қўлга киритгандан кейин шунчаки терма жамоадан кета олмайман. Бундан завқ олмоқчиман. Таркиб яхшилигини кўрганимдан кейин, хавотирларим йўқолган.
30 йилдан кейин мени нафақат яхши спортчи, балки яхши инсон сифатида ёдга олишларини хоҳлайман.
“Интер Майами”га ўтиш? Дастлаб, режалар бошқача эди, кейин оилам билан қарор қабул қилдик. Янги чақириқларга, ўзгаришларга тайёрман. Бу муҳим қадам деб ўйлайман.
Лионель Месси, футболчи
Эслатиб ўтамиз, Месси Аргентина терма жамоаси билан бирга Қатарда бўлиб ўтган Жаҳон Чемпионатида ғолибликка эришган.
Қайд этиб ўтиш жоиз, Лео “ПСЖ”даги икки йиллик фаолиятидан сўнг “Интер Майами” сафига ўтди.
Изоҳ (0)