Argentinalik futbolchi Lionel Messi faoliyatini “Inter Mayami”da davom ettiradi. Bu haqida futbolchining o‘zi ma’lum qildi.

“Men “Mayami”ga o‘tishga qaror qildim. Hozircha ishlar to‘liq yakunlanmagan, lekin faoliyatimni o‘sha yerda davom ettirishni tanladim.

Agar gap pulda bo‘lganda edi, men Saudiyaga yoki boshqa joyga ketgan bo‘lardim. Lekin umuman boshqa sababga ko‘ra Amerika klubini tanlashga qaror qildim.

“Barselona”ga qaytishni xohlagandim. Biroq ikki yil avvalgi voqealar takrorlanishini va taqdirim boshqalarning qo‘lida qolib ketishini istamadim.”, — deydi Leo.  

35 yoshli futbolchi 2 yillik faoliyatdan so‘ng “PSJ” safini tark etdi. Undan avval esa Leo “Barselona” sharafini himoya qilgan. 

Messiga Saudiya Arabistonining “Al-Hilol” jamoasidan va Ispaniyaning “Barselona” klublaridan taklif bor edi. Biroq Leo faoliyatini Amerikada davom ettirishga qaror qilgan.