“Ливерпуль” ҳужумчиси Муҳаммад Салоҳ фаолиятини “ПСЖ”да давом эттириши мумкин.
Get French Football News нашрининг хабар қилишича, Париж клуби президенти Носсир ал-Ҳелайфи 31 ёшли футболчи билан Марокашда учрашган. Улар Жаҳон Чемпионатидан кейин мунтазам суҳбат қуриб туради, дейилади хабарда.
“ПСЖ” раҳбарияти Салоҳга жамоани тарк этган Лионель Мессининг ўринбосари сифатида қарамоқда. Бироқ мисрлик футболчини олиб келиш осон бўлмайди.
Салоҳнинг “қизиллар” билан амалдаги шартномаси 2025 йилнинг ёзига қадар мўлжалланган.
Ортда қолган мавсум футболчи АПЛда 38 та ўйин ўтказиб, 19 гол ва 12 та голли узатма муаллифига айланди.
Аввалроқ “ПСЖ” форварди Килиан Мбаппе 2024 йилнинг ёзида тугайдиган амалдаги шартномасини узайтирмаслиги ҳақида маълум қилганди. Париж клуби айни вақтда унга харидор қидирмоқда ва бу ёзда сотиб юбормоқчи.
Изоҳ (0)