“Ўзбекистонлик” лойиҳаси билан кўплаб ёшлар орасида машҳурликка эришган Uzbekistanъс cлуб лойиҳаси Адлия вазирлиги томонидан нодавлат нотижорат ташкилот сифатида рўйхатдан ўтганини эълон қилди.
Uzbekistanъс cлуб – халқаро миқёсда муваффақият қозониб келаётган ўзбекистонликларни бир ерга жамлаш мақсадида яратилган глобал платформа бўлиб, сифатли контент орқали ёшларга мотивация улашишни ўз олдига мақсад қилган лойиҳа ҳисобланади. Ташкилот хориждаги ўзбекистонликлар билан алоқа ўрнатиш, дунё бўйлаб турли соҳаларда муваффақиятга эришган ўзбекистонликлар ҳақида эксклюзив лойиҳаларни тайёрлаш ва улар билан доимий алоқада бўлиб туриш имконини берувчи мулоқот платформасини каби кўплаб лойиҳаларни бошлаган ва ҳозирги кунда муваффақиятли тарзда давом эттириб келмоқда.
“Ўзбекистонлик” лойиҳасининг Франциядаги форумда тақдим этилган эпизодида Шеллъда IT-архитектор сифатида фаолият юритаётган Мадина Бердиева ва Страсбург филармоник оркестрининг мусиқий ва бадиий раҳбари Азиз Шоҳакимов ҳикоясига эътибор қаратилди.
Германияда тақдим этилган “Ўзбекистонлик” лойиҳасининг навбатдаги сонида мухлислар миллиардер Илон Маскка тегишли SpaceX ва Tesla компанияларида фаолият юритаётган ўзбекистонликлар ҳикояси билан танишишди.
Uzbekistanъс cлуб нодавлат нотижорат ташкилот мақомига эга бўлгач, ўз олдига қўйган мақсадларини янада кенгайтирганини маълум қилди.
Эндиликда ташкилот ўз олдига юқори мақсадларни қўйди, жумладан:
- хориждаги ўзбекистонликлар билан алоқа ўрнатиш;
- дунё бўйлаб турли соҳаларда муваффақиятга эришган ўзбекистонликлар ҳақида эксклюзив ва юқори сифатли аудиовизуал контент яратиш;
- жаҳон ҳамжамияти вакилларини буюк аждодларимизнинг бой маданий мероси ва дунё тамаддунига қўшган ҳиссаси ҳақидаги маълумотлар билан таништириб бориш мақсадида хизмат қилувчи майдон яратиш.
Ташкилотнинг расмий сайтида барча лойиҳалар ва яқин келажакдаги режалар билан батафсил танишиш мумкин.
Изоҳ (0)