Индонезия вице-президенти Маъруф Амин Ўзбекистонга ташрифи чоғида Индонезиянинг биринчи президенти Сукарно хотирасига кутубхона қуришни таклиф қилди. Бу Индонезия ва Ўзбекистон ўртасидаги тарихий яқинлик билан боғлиқ, деб ёзади Индонезиянинг Disway нашри.
Маъруф Амин таъкидлашича, Сукарно Самарқанддаги Имом Бухорий мақбарасининг қурилишига туртки бўлган шахслардан эди, ҳозирги кунда мақбара машҳур зиёратгоҳ сифатида минглаб сайёҳларни жалб қилади.
“Мен Сукарнонинг конструкция қурилишидаги хизматларини эслатиб туриш учун қабр атрофида унинг мемориал кутубхонасини қуришни таклиф қилди. Умид қиламанки, буни амалга оширса бўлади”, — деди вице-президент 14 июнь куни.
Маъруф Амин, шунингдек, Индонезия ва Ўзбекистон ўртасидаги яқин муносабатлар биринчи президент Сукарно ташаббуси билан бошланганини таъкидлади.
“Бош вазир Индонезия билан муносабатларини жуда яқин деб ҳисоблайди, чунки бу муносабатлар биринчи президент томонидан бошланган. Сукарно Ўзбекистонда бўлган ва айнан у Имом Бухорий қабрини зиёратгоҳга айлантиришга ундаган. Бу Сукарнонинг хизмати”, — деб тушунтирди вице-президент.
Таъкидланишича, мемориал кутубхона қуриш ғояси Индонезия ва Ўзбекистон ҳукуматлари ўртасида муҳокама қилинган.
“Янги ғоялар Туризм вазирлари ўртасида муҳокама қилинди”, — дея қўшимча қилди у.
Шунингдек, вице-президент Ўзбекистон бош вазири Абдулла Арипов билан савдо, транспорт, туризм соҳаларида чуқур ҳамкорликни йўлга қўйиш масалаларини гаплашган.
Эслатиб ўтамиз, Индонезия вице-президенти Маъруф Амин 12 июнь куни беш кунлик ташриф билан Ўзбекистонга келди.
Изоҳ (0)