Modern Talking гуруҳининг шоу-бизнес оламидаги оламшумул муваффақиятини Европада ҳозиргача ҳеч ким такрорлай олмади. Томас Андерс ҳамкасби ва ижодий ғоялар катализатори Дитер Болен машҳур гуруҳни яратиш ташаббускори бўлганини ҳеч қачон инкор этмаган.
Томас Андерс
Бургомистернинг ўғли Томас Андерс ўзининг ажойиб мусиқий қобилиятини болалигидаёқ намоён этган. Ота-онаси унинг турли мусобақалардаги муваффақиятларидан жуда хурсанд бўлишади. Вақт ўтиб, немис саҳнасида жозибали кўринишга эга ва ғайриоддий юмшоқ, лирик овозли ёрқин қўшиқ ижрочиси пайдо бўлади.
1983 йилда унинг ҳаётида муҳим воқеа юз беради: Томас Дитер Болен билан танишади. Шундай қилиб машҳур Modern Talking дуэти туғилади.
Минглаб мухлисларнинг олқиши ва севгисидан ёшларнинг боши айланиб кетади. Машҳур дуэт қўшиқлари ёзилган мусиқий дисклар катта талабга эга эди. Аммо Андерс кейинчалик омадсизлигига сабабчи бўладиган малласоч гўзал Нора Баллинг билан танишади. Норанинг гўзаллигига маҳлиё бўлган Андерс унга бутун вужуди билан ошиқ бўлади. Тез орада улар турмуш қуришади ва янги келин ғайрат билан ишга киришади.
Ақлли аёл немис дуэтининг ажойиб машҳурлигини ҳисобга ҳолда учинчи шахс бўлиб гуруҳга қўшилишга қарор қилади: менежер, директор ва деярли хонанда сифатида ҳам. Аввалига Томас хотинининг ташаббусини қўллаб-қувватлайди. Рафиқаси бетакрор ташқи кўриниши — узун сочли, ёқимли овозга эга соҳибжамол ижодий ёндашуви билан ҳам кўпчиликни мафтун қилиши мумкин эди.
Аммо Нора машҳур дуэтнинг кейинги фаолиятига мўлжаллаган мақсадларини яшириб ўтирмайди. Натижада дўстлар ўртасидаги муносабатларга совуқчилик тушади ва Modern Talking 1987 йилда тарқатиб юборилади.
Бироқ миллионлаб мухлислар бахтига 11 йилдан сўнг машҳур дуэт яна бирлашади. Тўғри, гуруҳ аввалгидек машҳур бўла олмайди — ўзаро ҳурматсизлик бунга йўл қўймайди. Томас Дитернинг ёмон феъл-атвори ҳақида гапирса, Болен Андерснинг дангасалигини омма олдида эълон қилади. Умуман олганда, собиқ дўстларнинг йўллари 5 йилдан кейин яна ажралади. Томас бу орада таржимон Клаудия Хесс билан танишади, улар кўп ўтмай турмуш қуради ва таниқли қўшиқчининг ўғли Александр дунёга келади.
60 ёшли Андерс ўз ватанида ҳали ҳам муваффақиятли чиқишда давом этмоқда: унинг номи ҳозиргача Германия ва Европада машҳур. 2020 йилда у ўзининг дастлабки қўшиқлари ва Мodern Talking’нинг баъзи хитларини ўз ичига олган мусиқий альбомини чиқарди.
Дитер Болен
Ҳозирда 69 ёшли Дитер Болен ҳам туғма оптимизми ва олдинги қатъийлигини йўқотмасдан, муваффақиятга интилишда давом этмоқда.
У ҳаётидаги илк чолғу асбоби – гитарасига ўз меҳнати билан эришганидан ҳамон фахрланади. Кучли, иродали ва баъзан қаттиққўл Дитер мусиқа каби нозик машғулот учун умуман мос эмас эмасдек кўринади. Аммо у айнан шу йўналишда истеъдодли эди. Кейинчалик ёқимли овозга эга бўлган Дитерда бастакорлик қобилияти ҳам уйғонади. У тунги клубларда чиқиш қилиб, машҳурликка эришади. Мусиқага бўлган иштиёқи туфайли унда жаҳон саҳнасида машҳур бўлиш ва бир кун келиб миллионер бўлиш истагини уйғотади.
Бундан ташқари, Дитер ижодий ғояларга тўла эди. Улардан бири машҳур Modern Talking гуруҳининг яралишига сабаб бўлди. Дитер Болен иқтидорли қўшиқчи Томас Андерснинг иштирокисиз лойиҳа муваффақиятга эриша олмаслигини бир неча бор тан олади.
Бироқ оламшумул машҳурлик ва миллионлаб гонорар саҳнадаги ажойиб чиқишларига қарамай, Дитернинг шахсиятини бузади. Бунга Боленнинг ақл бовар қилмайдиган севгиси сабаб бўлади.
Эрика Зауэрлендга уйланган ва 3 нафар фарзанди бўлишига қарамай, Дитер араб қизи Надия билан севги муносабатларини бошлайди. Эрика билан ажрашгандан ва жозибали шарқ қизи билан муносабатларидаги танаффусдан сўнг, Дитер модел Верона Фелдбушга қизиқиб қолади. Модель билан никоҳи узоқ давом этмайди. Эстефания Кастер билан бўлган қисқа муносабати унинг тўртинчи марта ота бўлишига олиб келади: Болен ўғилли бўлади.
Эҳтимол, бу рўйхат яна давом этган бўларди. Аммо Майоркадаги таътилида у кутилмаганда мафтункор Карин Валси билан танишади. Меҳмонхонада администратор бўлиб ишлайдиган қиз унинг қалбини забт этади. У Дитердан 31 ёш кичик бўлиб, қўшиқчи ва мусиқачи биринчи марта чинакам муҳаббатни ҳис қилади. Уни деб Дитер спиртли ичимликлардан воз кечади, спорт билан фаол шуғуллана бошлайди, Карин тайёрлаб берадиган парҳезга ўтади.
Ҳозирда Кариндан туғилган икки боланинг отаси бўлган Дитер 68 ёшида ҳам жуда ажойиб кўринади. Унинг шахсий ҳаётидаги ўзгаришлар машҳур Modern Talking гуруҳининг асосчиларидан бирига фойдали таъсир кўрсатди. 16 йилдан сўнг у ижодий фаолиятига қайтди.
Изоҳ (0)