Президентликка номзод Шавкат Мирзиёев хоразмлик сайловчилар билан учрашувда иқтисодиётнинг энг тез ўсиб бораётган йўналишларида амалий тадқиқотларни кучайтириб, “корхона – олийгоҳ – илмий ташкилот” кластер тизимини фаол қўллаб-қувватлашини айтди.
“Келгуси етти йилда амалий тадқиқотларга давлат томонидан 4 триллион сўм, тармоқлар ва хусусий сектор томонидан ҳам яна шунча маблағ йўналтирилади. Шунингдек, Инновасия жамғармасига 5 триллион сўм ажратилиб, янги лойиҳаларни қўллаб-қувватлашга сарфланади”, — деди номзод.
Шавкат Мирзиёев тил ва адабиёт, тарих, археология, маданият каби йўналишлар бўйича алоҳида илмий-тадқиқот дастурлари қабул қилинишини таъкидлади.
“Ушбу мақсадларга келгуси етти йилда 2 триллион сўм ажратилади. Келгуси йилларда илмий ташкилот ходимларининг иш ҳақи 2 баробар оширилади”, – деди номзод.
Изоҳ (0)