“Толибон” Афғонистоннинг Тожикистондаги элчиси Муҳаммад Зоҳир Агбарнинг уйини ёқиб юборди. Бу ҳақда элчининг сўзларига таяниб, Sputnik Тоjikiston хабар берди.
Панжшернинг Рухин туманида жойлашган уйдаги ёнғин 11 июнда бошланган ва ҳозир ҳам давом этмоқда. Бино 1998 йилда Аҳмад Шоҳ Масъуддан молиявий ёрдам сифатида олинган пул эвазига қурилган.
“Уй оловда ёниши мумкин, аммо бизнинг руҳимиз ва иродамиз ёнмайди”, — дейди Муҳаммад Зоҳир Агбар.
2021 йил сентябрида Панжшер дараси эгаллаб олингандан сўнг, турар жой “Толибон”нинг ҳарбий қароргоҳига айланди.
“Улар шуни билишлари керакки, уйлар ёниб кетиши мумкин, лекин терроризм ва зулмга қаршилик руҳи бундан мустасно”, — деган элчи.
Бу Панжшерда “Толибон”га қарши мухолифат уйларига ўт қўйиш билан боғлиқ ягона ҳолат эмас.
2023 йил январида Афғонистон Миллий қаршилик фронти билан алоқадор бўлган Афғонистон адлия вазири Фазл Аҳмад Манавийнинг уйи ёқиб юборилганди. Ҳар икки ҳолатда ҳам “Толибон” маҳаллий аҳолига ёнғинни ўчиришга тўсқинлик қилгани айтилмоқда.
Изоҳ (0)