Том Ҳолланд актёрлик ишида танаффус эълон қилди

Том Ҳолланд “Гавжум хона” фильмининг қизғин суратга олиш жараёнларидан сўнг актёрлик карьерасида бир неча йил танаффус эълон қилди, деб хабар бермоқда “Правила жизни” нашри.

Ҳолланд фильмда диссоциатив идентификациядан азият чекадиган Дэнни Салливан ролини ўйнаш у учун қийин кечгани ҳақида гапириб берди. Бош қаҳрамон онгида бир вақтнинг ўзида бир нечта: боладан тортиб то манякгача, яъни бир нечта шахслар яшайди.

Актёрнинг сўзларига кўра, суратга олиш жараёнида у илгари ҳеч қачон бошдан кечирмаган туйғуларни ҳис этиши керак бўлган. Ҳолланд лойиҳа продюсерларидан бири. Актёрнинг айтишича, ушбу лавозимда дуч келган кундалик муаммолар ҳам ундаги стрессни кучайтирган.

“Мен учун қийин иш тушунчаси янгилик эмас. Ҳар доим машаққатли иш — яхши иш эканлигига ишонганман. Бошқа томондан, бу шоу мени синдирди. Ҳозир бир йил дам олишга қарор қилдим ва бу лойиҳани тайёрлаш қанчалик қийин бўлганининг натижаси”, — дейди Ҳолланд.

“Гавжум хона” фильмининг премьераси 9 июнь куни AppleTV+ да бўлиб ўтади. Психологик антология ҳақидаги фильм триллерининг биринчи фасли Дэниэл Кееснинг “Билли Миллиганнинг кўп фикрлари” романига асосланган. Лойиҳадаги асосий роллардан бирини Аманда Сейфрид ижро этган.