Ташқаридан қараганда, санъаткорлар тинимсиз меҳнат қилиб, ҳар йили дурдона роллар ижро этишга қодирдек. Аммо улар ҳам ҳаммамиз каби оддий одам. Улар ҳам чарчашади ва муваффақиятсизликларга дуч келишади. Баъзилари оиласи билан кўпроқ вақт ўтказишни хоҳлайди.

Майвенн

Майвенн кўпчиликка “Бешинчи элемент” фильмидаги Плавалагуна маъбудаси образи билан таниш. Афсонавий картинада актриса 26 йил олдин рол ижро этган. Шундан сўнг, у асосан француз фильмларида рол ўйнади, улар унчалик машҳур бўлмаган.

Аммо яқинда актриса мухлисларини ажойиб роли билан хурсанд қилди. 2023 йил май ойида “Жанна Дюбарри” фильмининг жаҳон премьераси бўлиб ўтди, унда Майвенн бош қаҳрамон, қирол Луи XV нинг маъшуқаси ролини ўйнади, шунингдек, режиссёр сифатида ҳам ишлади.

Шелли Дювал

Дювал “Нешвилл”, “Уч аёл”, “Энни Холл” ва бошқа фильмларда рол ўйнаган. 2002 йилда актриса таътилга чиқишга қарор қилди — бу танаффус 20 йилга чўзилди. 2023 йилда Дювал иштирокидаги “Ўрмон тепаликлари” қўрқинчли фильми намойиш этилади. Актриса яна кинога қайтганидан хурсандчилигини айтиб, “Оскар”ни қўлга киритиши мумкинлиги ҳақида ҳазиллашди.

Линдси Лоҳан

Лоҳан бир нечта култ комедияларда рол ўйнаган — “Ота-оналар учун тузоқ”, “Қора жума”, “Ярамас қизлар” ва бошқалар. Кейинчалик актриса сифатида карьерасида кўп юксалишлар ва пасайишлар бўлган. 2013 йилда “Канёнлар” фильмида бош ролни ўйнаган Лоҳан узоқ вақт давомида иккинчи даражали қаҳрамонлар образида қолиб кетди. 2022 йилда актриса “Унутилмас Рождество” фильмида бош ролда пайдо бўлди.

Хю Грант

Хю Грант кўпинча романтик комедияларда рол ўйнаган. Бироқ навбатдаги “Қочоқ Морганлар” фильмида ўйнаган актёр бундай фильмлардан чарчаганини айтади.

7 йил давомида Грант фақат кичик ролларда пайдо бўлди. 2016 йилда у ниҳоят “Примадонна” фильмида ўйнаб, етакчи ўринларга қайтди. 2023 йилда унинг иштирокида 2 та фильм чиқди: “Фортуна операцияси: Ғалаба санъати ва “Зиндон ва аждарлар”. Актёр “Вилли Вонка” фильмида ҳам суратга тушади.

Кемерон Диас

9 йил олдин актриса ишидан чарчаган ва кинони тарк этганди. Диас иштирокидаги сўнгги фильм — “Энн” 2014 йилда экранларга чиққан. Шундан сўнг у турмушга чиқиб, фарзандли бўлди. 2023 йилда Диас туғуруқ таътилидан тўғри янги суратга олиш майдончасига келди. Февраль ойида уни “Ишга қайтиш” фильмининг суратга олиш майдончасида кўришган.

Тейлор Лотнер

Лотнерга оламшумул шуҳрат келтирган “Сумерки” сагасидаги Жейкоб ролидан кейин актёр экранларда кўринмай қолди. Вақти-вақти билан у эпизодларни ижро этди. 2016 йилдан кейин эса экранлардан бутунлай ғойиб бўлди.

Ниҳоят 2022 йилда Лотнер “Уй ўйини” фильмидаги жуда муҳим рол билан томошабинларни хурсанд қилди. Актёр фильмда мактаб футбол жамоасининг мураббийи ролини ўйнаган.

Блейк Лайвли

Лайвининг сўнгги фильми “Ритм бўлими” 2020 йилда чиққан. Шундан кейин актриса экранларда кўринмай қолди. Бу вақт ичида у тўртинчи фарзандини дунёга келтирди ва энди кинога қайтмоқда. Лайвлининг мухлислари бир вақтнинг ўзида актриса бош ролни ўйнаган иккита лойиҳани кутишмоқда: “Оддий илтимос” фильмининг давоми ва “Ҳаммаси бизда тугайди” фильми.

Жонни Депп

Жонни Депп маълум бир вақтгача ҳар йили бир нечта фильмларда иштирок этди. Бироқ “Буюк” фильмидаги ролидан сўнг актёр “Жанна Дюбарри” фильми режиссёри Майвенн уни ўз фильмидаги бош ролга таклиф қилмагунча, бир неча йил давомида суратга тушмади. Депп қирол Людовик XV ролини ўйнаган фильм 2023 йилда жаҳон прокатига чиқарилади.