Тошкентнинг Чилонзор, Бектемир, Мирзо Улуғбек ва Яшнобод туманларининг айрим ҳудудларида электр энергияси таъминоти вақтинча тўхтатилди. Бу ҳақда “Ҳудудий электр тармоқлари” пойтахт филиали хабар берди.

Қайд этилишича, истеъмолчиларга сифатли ва барқарор электр энергиясини етказиб берилишини таъминлаш, электр тармоқларида содир бўлиши мумкин бўлган авария ҳолатларини олдини олиш ҳамда таъмирлаш ишларини хавфсиз бажариш мақсадида айрим жойларга электр энергияси таъминоти вақтинча тўхтатилмоқда.

Хусусан, 9 июнь куни қуйидаги манзилларда электр таъминоти вақтинча тўхтатилди:

• Чилонзор тумани — “Боғистон” ҳамда “Лутфий” МФЙлари айрим ҳудудларида соат 09:00 дан 17:00 гача электр таъминоти вақтинча тўхтатилди;
• Бектемир тумани — “Ийк ота” МФЙнинг Имон (Маърифат), Мевазор, Ораста ҳамда Тараққиёт ва “Олтинтопган” МФЙнинг айрим ҳудудларида  соат 09:00 дан 17:00 гача электр таъминоти вақтинча тўхтатилди;
• Мирзо Улуғбек тумани — “Ш.Бурхонов”, “Катта қорасув”, “Бўз”, “Алпомиш”, “Подшобоғ” ҳамда “Ялонғоч” МФЙлари ҳудудларида соат 09:00 дан 12:00 гача электр таъминоти вақтинча тўхтатилди;
• Яшнобод тумани — Янгиобод мавзеси, Авиасозлар 2-, 4- мавзеси, Тузел 2-, 3- мавзеси, 58-сонли Ҳарбийлар шаҳарчаси, Чилон ота, Алимкент, Элбек, Тўрткўл, Қорасув, Ховос ҳамда Бирлашган кўчалари ҳудудларида соат 09:00 дан 17:00 гача электр таъминоти вақтинча тўхтатилди.

“Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр энергияси таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди.

Куни кеча юқори кучланишли электр тармоғидаги носозлик сабаб бир неча насос станциялари электр таъминотидан узилганди. Бунинг натижасида Яшнобод, Яккасарой, Миробод туманларидаги бир қатор аҳоли массивлари сувсиз қолган. Олиб борилган тиклаш ишлари натижасида Яккасарой туманининг баъзи ҳудудларида электр энергияси қайта тикланган. Тез фурсатларда қолган ҳудудлар ҳам электр энергиясига қайта уланади.