“Росатом” Ўзбекистонда биринчи атом электр станциясини қуриш бўйича шартнома имзоламоқчи. Бу ҳақда “ТАСС” хабар берди.
Давлат корпорациясининг капитал қўйилмалар, давлат қурилиш назорати ва давлат экспертизаси бўйича директори Геннадий Сахаров бу бўйича маълумот берди.
“Ўзбекистонлик ҳамкорларимиз биринчи атом электр станциясини қуриш бўйича шартнома тузиши биланоқ, ‘Росатом’ лойиҳа қурилишини имкон қадар тезроқ бошлашга тайёр. Бу яқин келажакда амалга ошишини кутамиз”, — деди Сахаров.
Агентлик суҳбатдоши бу Ўзбекистондаги биринчи лойиҳа бўлишини таъкидлади.
“Биз атом бўйича маданияти ҳам, қонунчилиги ҳам йўқ мамлакатларга кириб борамиз. Қолаверса, биз уларнинг ядровий инфратузилмасини, қонунчилигини яратамиз, одамларни тайёрлаймиз”, — деди Сахаров.
Унинг қўшимча қилишича, қуввати 1200 МВт бўлган иккита блок қуриш режалаштирилган.