Тошкент шаҳри Бектемир туманида уйланишини айтиб, 4 нафар қизни 165 млн сўмга чув туширган йигитга ҳукм ўқилди. Бу ҳақда Тошкент шаҳар судлари ахборот хизмати хабар берди.
Унга кўра, 4 нафар қизни 165 миллион сўмдан ортиқроқ маблағга чув туширган йигит айбига иқрор бўлмади. Лекин жабрланган қизларнинг барчаси йигит уларга уйланишни ваъда қилганини айтган. У ижтимоий тармоққа жойлаган эълонида уйланишини, келиннинг ёши аҳамиятсиз эканини ва маҳр учун уй ҳамда машина ҳам беришини айтган.
Жиноят ишлари бўйича Бектемир туман судининг ҳукми билан Жиноят кодексининг 168-моддаси (фирибгарлик) 3-қисми “б” банди, 165-моддаси (товламачилик) 1-қисмида назарда тутилган жиноятларни содир қилган шахс 6 йил муддатга озодликдан маҳрум қилинди.
Изоҳ (0)