Россиянинг Брянск вилоятида гиёҳванд моддалар савдоси билан шуғулланишда айбланган Ўзбекистон ва Тожикистон фуқароларига ҳукм ўқилди, деб хабар беради “Московский комсомолец”.
Қайд этилишича, ушбу икки гумонланувчи 2022 йилнинг майида қўлга олинган. Улар вилоят марказининг Фокинский ва Брянск тумани ҳудудида “закладка” қўйиш билан шуғулланган.
Ҳуқуқ-тартибот органлари томонидан қўлга олинган вақтда уларнинг ёнида 500 грамм героин ва 18 грамм методон топилган.
Суд ҳукми билан улардан бири 10 йил 3 ой, иккинчиси эса 8 йил 8 ой муддатга озодликдан маҳрум этилди. Улар қаттиқ режимдаги колонияда жазо ўтайди.
Май охирларида ҳам Россиянинг Самара шаҳрида Қирғизистон ва Ўзбекистон фуқаролари гиёҳванд моддалар савдосида гумонланиб қўлга олинганди. Уларнинг бирида оқ матога ўралган наркотик, мобил телефонларида эса буюртмани етказиб бериш жойи кўрсатилган суратлар олинган. Текширув давомида ушбу жойлардан оқ моддалар топилган.
Изоҳ (0)