Майлз Бонем DJ’ликка бўлган иштиёқи туфайли ижтимоий тармоқларда машҳурликка эришди.
Болакай 2 ёшидан мусиқага қизиқа бошлаган. Унинг ота-онаси Майлз бир куни Stairway to Heaven қўшиғини тўлиқ тинглаб бўлмагунча болалар боғчасига боришдан бош тортганини айтган. У 2020 йилда гитара, пианино ва виолончель чалишни ўрганган. Орадан бир оз вақт ўтгач, вундеркинд болакай қўшиқ ёзиш мақсадида дастурларни ўрганишга киришган.
2021 йилда Бонемнинг ота-онаси ўғлининг ижод намуналарини ижтимоий тармоқларга жойлаштира бошлади. Вақт ўтиши билан болакай машҳур ҳамкасбларининг эътиборига туша бошлади. Масалан, болакайга Стив Аоки ва Девид Арчулета ҳам эътибор қаратди. Британиялик DJ Марк Ронсон эса Майлзни бўлажак хитмейкер деб атади.
Бироқ машҳурлар фақатгина изоҳлар билан чекланиб қолишмади. Болакай беш ёшга тўлганда, Questlove ёш мусиқачининг эски орзусини амалга оширишга қарор қилди. Америкалик продюсер унга Poсket Kit барабан тўпламини совға қилди.
“Қилаётган ишингизни жуда қадрлайман ва сиз мени илҳомлантирасиз ”, — деб изоҳ қолдирган хонанда.
Ҳозирги кунда ёш DJ’нинг Tiktok’даги аккаунтида 882 мингдан ортиқ обуначи бор. Унинг ремикс талқинидаги видеолари миллионлаб кўришларга эга.
“Бу мени ҳайратда қолдирган биринчи продюсер болакай”, “Келажакда уни кўришим учун чипта буюртма қилмоқчиман”, деб ёзган тармоқ фойдаланувчилари.
Изоҳ (0)