Украина халқаро ҳуқуқ доирасида Россия ҳудудига зарба бериш учун ғарб иттифоқчилари томонидан тақдим этилган қуроллардан фойдаланиши мумкин. Бу ҳақда Германия мудофаа вазири Борис Писториус Deutsche Welleъга берган интервьюсида маълум қилди.

Вазирнинг сўзларига кўра, агар зарбалар Украинани ўзини ҳимоя қилиш мақсадида амалга оширилса, ундан фойдаланиш оқланади. Германия мудофаа вазирининг баёноти Осиё мамлакатларига сафари чоғида эълон қилинган. Айни вақтда Германия Украинага қурол етказиб бериш бўйича ички текширувлар ўтказмоқда.

Писториус Украина ўзини ҳимоя қилиш ҳуқуқига эга бўлса-да, Берлин немис танклари ёки Киевга берилган бошқа қуролларнинг Россия чегараларида қўлланишини истамаслигини таъкидлади.

Шунингдек, у Украина расмийларидан Германиянинг бу борадаги истакларига қарши чиқишлари ҳақида ҳеч қандай сигнал олмаганини қайд этди.

“Мен украиналик ҳамкорларимизга мутлақо ишонаман”, — деди Германия мудофаа вазири.