Ukraina xalqaro huquq doirasida Rossiya hududiga zarba berish uchun g‘arb ittifoqchilari tomonidan taqdim etilgan qurollardan foydalanishi mumkin. Bu haqda Germaniya mudofaa vaziri Boris Pistorius Deutsche Welle’ga bergan intervyusida ma’lum qildi.

Vazirning so‘zlariga ko‘ra, agar zarbalar Ukrainani o‘zini himoya qilish maqsadida amalga oshirilsa, undan foydalanish oqlanadi. Germaniya mudofaa vazirining bayonoti Osiyo mamlakatlariga safari chog‘ida e’lon qilingan. Ayni vaqtda Germaniya Ukrainaga qurol yetkazib berish bo‘yicha ichki tekshiruvlar o‘tkazmoqda.

Pistorius Ukraina o‘zini himoya qilish huquqiga ega bo‘lsa-da, Berlin nemis tanklari yoki Kiyevga berilgan boshqa qurollarning Rossiya chegaralarida qo‘llanishini istamasligini ta’kidladi.

Shuningdek, u Ukraina rasmiylaridan Germaniyaning bu boradagi istaklariga qarshi chiqishlari haqida hech qanday signal olmaganini qayd etdi.

“Men ukrainalik hamkorlarimizga mutlaqo ishonaman”, — dedi Germaniya mudofaa vaziri.