Эндиликда дўкон ёки кафеда ҳисобни нақд пулсиз ёки картасиз Beepul иловасидан фойдаланган ҳолда Ўзбекистондаги UZCARD миллий тўлов операторининг терминаллари орқали тўлаш мумкин. TezQR тизими орқали тўлов аллақачон мобил молиявий хизматга интеграция қилинган ва бутун мамлакат бўйлаб савдо нуқталарида 35 000 та терминалда мавжуд.
Beeline Uzbekistan экотизимининг молиявий хизмати ҳисобланган Beepul иловаси UZCARD миллий тўлов операторининг TezQR контактсиз тўлов тизимидан фойдаланган ҳолда маҳаллий тўловларни амалга ошириш имкониятини муваффақиятли бирлаштирди. Энди Beepul иловаси фойдаланувчилари сотув жойидаги UZCARD терминали (оқ рангли тўлов терминаллари) экранида ҳосил бўладиган QR кодни ўқиш орқали исталган товар ва хизматлар учун тўловни амалга ошириши мумкин бўлади. Beepul иловаси ўрнатилган бўлиши ва UZCARD миллий тўлов операторининг боғланган картаси бўлиши кифоя, Ўзбекистон Республикасида фаолият юритувчи барча уяли алоқа операторлари ва миллий тизим карталарини чиқарадиган банкларнинг мижозлари тўлов хизматидан фойдаланишлари мумкин.
Бугунги кунда 35 000 та UZCARD терминаллари тўлов учун QR-кодларни яратиш функциясига эга бўлди ва яқин келажакда TezQR тизимига эга терминаллар сони 70 000 тага етиши мумкин.
Умид қиламизки, фойдаланувчилар бу йил бутун республика бўйлаб тарқаладиган TezQR тизимининг қулайлигига юқори баҳо беришади. Деярли ҳар қандай дўкон ва хизмат кўрсатиш компанияларида, масалан, дўкон ёки дорихонада нақд пулсиз ёки банк картасисиз тўлаш мумкин бўлади. Бу оила молиясининг хавфсизлиги ва дахлсизлигини кафолатлайди, чунки ҳозирда карта ва пулни йўқотиш имконияти деярли йўқ, — дейди Beeline Uzbekistan бош директори Анджей Малиновски. — Иловаларимизга TezQR нинг жорий этилиши Ўзбекистон электрон тўловлар бозори ва Beepul молиявий хизматимиз ривожланишида янги босқичга айланди.
2024 йил давомида TezQR маҳаллий тўлов хизматини Beeline Uzbekistan иловасига интеграция қилиш режалаштирилмоқда, ундан ойига 4 миллионга яқин киши фойдаланади. Beepul хизмати орқали ҳам, Beeline Uzbekistan иловаси орқали ҳам QR-кодни ўқиш ҳамда товар ва хизматлар учун тўловни амалга ошириш мумкин бўлади. Мазкур хизматдан фойдаланишда, савдо ва хизмат кўрсатиш шохобчаларида терминал орқали тўлаш учун фойдаланувчи ўзи билан карта олиб юриши шарт бўлмайди.
Beepul – молиявий хизмат бўлиб, у смартфон орқали бир нечта ҳаракат билан турли хизматлар учун тўловларни амалга ошириш, барча UZCARD ва Ҳумо фойдаланувчиларига пул ўтказиш ва қулай воситалардан фойдаланган ҳолда пул маблағини бошқариш имконини беради. Ундан ойига 1 миллиондан ортиқ фойдаланувчи фойдаланилади.
Beepul тўлов хизматининг барча функцияларидан фойдаланиш имкониятига эга бўлиш учун Beeline Uzbekistan фойдаланувчилари AppStore/Google Play дўконларида Beeline Uzbekistan иловасини янгилашлари ёки илованинг жорий версиясини смартфонига юклаб олишлари керак. Бошқа уяли алоқа операторлари мижозлари учун расмий иловалар дўконларида Beepul иловасини юклаб олиш, авторизациядан ўтиш ва исталган банкнинг UZCARD миллий тўлов операторини қўллаб-қувватловчи картани улаш кифоя.
Beepul хизмати ҳақида
Beepul Ўзбекистон Республикасида 600 дан ортиқ хизматлар учун тўловни амалга ошириш учун универсал ёрдамчи ҳисобланади. Коммунал тўловлар, мобил алоқа, интернет, онлайн хизматлар учун тўловлар, таълим ва тиббий хизматлар учун шартномалар ва бошқа имкониятлар битта иловада ва мобил телефонда бир нечта ҳаракат орқали мужассам. Beepul Ўзбекистондаги барча алоқа операторлари мижозларига карталар ўртасида тезкор пул ўтказмаларини, тўловларни бошқариш ва ягона содиқлик дастурини таклиф этади: барча транзакциялар учун BEEP-бонуслари тақдим этилади. Автоматик тўловлар, бонус дастурлари ва Beeline Uzbekistan эксклюзив таклифларидан фойдаланинг. Beepul билан қулай, тез ва хавфсиз тўланг.
AppStore ва Google Play орқали Beepulъни юклаб олинг
Telegram: @beepuluzb
Instagram: @beepul.uz
Facebook: @beepul.uz
***
Миллий тўлов оператори ҳақида
“Ягона умумреспублика процессинг маркази” АЖ (UZCARD савдо белгиси) —Ўзбекистон Республикасининг етакчи миллий тўлов оператори ҳисобланади.
Компания эквайринг фаолиятини, электрон тўловларни қайта ишлашни таъминлайди, шунингдек, тижорат банклари, тўлов агрегаторлари ва бозорнинг бошқа иштирокчиларини бирлаштирувчи провайдер вазифасини бажаради.
Компания фаолиятининг асосий мақсади — ишончли, хавфсиз хизмат кўрсатиш, шунингдек, мижозлар ва фойдаланувчилар учун янги маҳсулот ва хизматларни доимий жорий этиш ва ривожлантириш орқали нафақат Ўзбекистонда, балки бутун Марказий Осиёда етакчи тўлов тизими ва финтех-ҳамкорини яратишдан иборат.
Бугунги кунда UZCARD тижорий банкларни ягона дастурий платформага асосланган ягона тўлов майдонида бирлаштириб, тўлов карталари лойиҳаларини амалга ошириш ва ривожлантиришда банкларнинг ўзларига марказлаштирилган ёрдам кўрсатиш, молиявий, техник ва бошқа ресурсларни тежашни таъминлашга кўмаклашмоқда.
***
Компания ҳақида
«Unitel» МЧЖ 2006 йил 12 сентябрдан бошлаб Beeline Uzbekistan бренди остида хизматлар кўрсатиб келмоқда. Beeline Uzbekistan бош қароргоҳи Амстердам (Нидерландия)да жойлашган VEON халқаро телекоммуникация холдинги таркибига киради.
VEON глобал телекоммуникация ва интернет хизматларининг провайдери бўлиб, дунёнинг олти динамик ривожланиб бораётган мамлакатида 160 миллиондан ортиқ фойдаланувчига эга. Унинг акциялари NASDAQ ва Euronext Амстердам фонд бозорларида жойлашган.
Beeline Uzbekistanъда 1.9 мингга яқин ходим ишлайди. 2006 йилдан буён Ўзбекистон бозорига кириши билан VEON мамлакат телекоммуникация саноатига 1,4 миллиард доллардан ортиқ сармоя киритди. “Unitel” МЧЖ Ўзбекистондаги энг йирик солиқ тўловчилардан бири ҳисобланади. Beeline СБ остида Ўзбекистондаги фаолияти давомида 2 миллиард долларга яқин солиқ тўлаган.
Сайт: beeline.uz
Facebook: @beeline.uz
Instagram: @beeline_uzbekistan
Telegram: @beelineuzbekistan
Twitter: @beeline_uz
LinkedIn: @beeline-uzbekistan
Реклама ҳуқуқи асосида.
Изоҳ (0)