Шавкат Мирзиёевнинг таклифига биноан Қатар амири шайх Тамим ибн Ҳамад ал-Соний 5 июнь куни давлат ташрифи билан мамлакатга келди. Бу ҳақда “Дарё” мухбири хабар берди.
Унга кўра, Самарқанд аэропортида Қатар амирини Ўзбекистон президенти кутиб олди. Олий мартабали меҳмон шарафига икки давлат байроқлари кўтарилди ва фахрий қоровул саф тортди.
Давлат раҳбарлари шоҳсупага кўтарилди. Миллий қўшиқ ва рақслардан иборат тантанали маросим бўлди. Ташрифнинг асосий тадбирлари 6 июнга режалаштирилган. Бугун икки мамлакат етакчилари кўҳна Самарқанднинг тарихий обидаларига биргаликда ташриф буюради.
