Сўнгги янгиликлар
Ўзб
O'zbekcha
Русский
English
  • O'zb
  • Ўзб
  • Рус
  • Eng

Daryo.uz Daryo.uz

  • O'zb
  • Ўзб
  • Рус
  • Eng
Сўнгги янгиликлар
    • USD 12174.99
    • RUB 126.13
    • EUR 12982.19
    • Google play
    • App Store
    • Telegram
    • Toshkentда
      +22°C
      • Andijon
      • Qarshi
      • Buxoro
      • Samarqand
      • Farg‘ona
      • Sirdaryo
      • Jizzax
      • Termiz
      • Namangan
      • Toshkent
      • Navoiy
      • Toshkent vil
      • Nukus
      • Urganch
    Telegram Youtube Facebook Instagram Twitter

    Daryo logo white Daryo logo dark

    • Маҳаллий
      • Меҳридарё
      • Бошқалар
    • Марказий Осиё
      • Қирғизистон
      • Қозоғистон
      • Туркманистон
      • Тожикистон
      • Афгонистон
    • Дунё
    • Пул
      • Иқтисодиёт
      • Молия
      • Крипто
      • Бизнес
    • Маданият
      • Кино
      • Китоб
      • Мусиқа
      • Шоу-бизнес
    • Лайфстайл
      • Аёллар саҳифаси
        • Фарзанд
        • Гўзаллик
        • Карьера
        • Маслаҳатлар
        • Мода
        • Рецептлар
      • Технологиялар
        • Архитектура
        • Гаджетлар
        • Илм-фан
        • Коинот
        • Медиа
      • Авто
      • Қўзиқорин
      • Саёҳат
      • Саломатлик
      • Таълим
        • Абитуриент
        • Инглиз тилини ўрганамиз!
    • Спорт
    • Колумнистлар
    • Мультимедиа

    Daryo.uz Daryo.uz

    Маҳаллий

    “Барчамиз учун жиддий сигнал бўлди” — қашқадарёлик етти блогер ўз фаолиятини тугатди

    5 июн, 17:00 16951

    Қашқадарё вилоятида фаолият юритувчи 7 нафар блогер фаолиятини тамомлаганини эълон қилди. Жумладан майда безориликда айбланиб, яқинда 5 суткадан ”ўтириб чиққан” Капитан Каримов, Мақсуд Музаффаров ва бошқа блогерлар.

    Капитан Каримов номи остида ижод қилувчи блогер Умид Каримов telegram каналида 29.05.2023 дея 5 сутка қамалган кунига урғу берар экан, шу кундан барчаси тугаганига ишора қилган.

    Капитан Каримов
    Фото: Капитан Каримовнинг шахсий архивидан.

    “Дарё” журналисти Умид Каримов билан суҳбатлашиб, бундай қарорга келиши сабаби билан қизиқди.

    “Суддан бодикамерани кўришини қайта-қайта илтимос қилдим. Адвокат беришини ёки таниш адвокатимга хабар беришимга имкон сўрадим. Суд бодикамерани кўрмади, адвокат билан таъминламади. ИИБ ходимини урмадим, сўкмадим. Аммо, 5 суткага қамалдим”, — дейди блогер фаолиятини тугатишига сабаб бўлган воқеа ҳақида гапирар экан.

    “Ишонганим қонун ва ҳуқуқни муҳофаза қилувчи органлар эди, уларга ишонч йўқлигини ўз кўзим билан кўрдим“

    Автоблогер Мақсуд Музаффаров ҳам фаолиятини тугатганини эълон қилиб, “Менга ота-онамнинг истак-хоҳиши ҳамма нарсадан муҳим. Мен билан шу вақтгача елкама-елка турган барчага раҳмат”, дея сўнгги фикрини ёзиб қолдирди.

    Мақсуд Музаффаров
    Фото: Мақсуд Музаффаровнинг шахсий архивидан.

    “Дарё” журналисти Мақсуд Музаффаровдан қўшимча маълумот олишга уринди.

    “Ҳақиқат йўқлигини кўрдим, икки оғиз туҳмат билан қамалиб кетганимдан сўнг ишончим сўнди. Менинг ортимда ‘танкам’ йўқ. Кимга ишонишимни, қайси органга ишонишимни ҳам билмай қолдим, ишонганларим қонун ва ҳуқуқни муҳофаза қилувчи органлар эди, уларга ишонч йўқлигини ўз кўзим билан кўргач, умидим сўнди”, — дейди у.

    “Сўнгги ишлар барчамиз учун ‘жиддий сигнал’ бўлди” — Азизбек Яздурдиев

    Азизбек Яздурдиев
    Фото: “Дарё”

    Блогер Азизбек Яздурдиев эса “Менда қўрқув бўлмаган. Шундай муҳитда тарбияландим. Ҳақлик учун доим баралла гапирдим, жоним хатарда қолса ҳам. Ватанни ҳеч кимдан кам севмадим, ҳатто ‘ўзбекка душман’ дейишса ҳам. Оиламни тақиб қилишди, шахсиятга тегишди, барибир давом этдим. ‘Сўз эркинлиги’ учун курашдик, бироқ… Бугун вазият жиддийлашди. Сўнгги воқеалар, яъни Капитан Каримов ва Мақсуд Музаффаров билан содир бўлган воқеалар, атиги бир савол учун қамалиб кетиш, нафақат ОАВ, балки инсон ҳуқуқлари билан боғлиқ сўнгги ишлар барчамиз учун ‘жиддий сигнал’ бўлди.

    Биринчи раҳбар томонидан узоқ кутилган эркинликнинг берилиши, яқинда Конституцияда кафолатланган эркинликлардан жуда руҳланган эдим. Бироқ, ўртада катта кучларнинг борлиги (қаршилиги) ҳафсаламни пир қилди. Қисқаси, оиламга тинчлик керак. Шу кунгача, мени ёлғиз қолдирмаган барчага миннатдорчилик билдираман. Бошингиз омон бўлсин”, — дея фаолиятини тугатишига сабаб бўлган воқеалар ҳақида гапирди.

    “Вайнер бўлиб қайтишим мумкин ёки шунчаки ҳазил латифалар ёзувчи”, — Отабек Артиков

    Фаолиятини тугатган блогерлар орасида Отабек Артиков ҳам бор. У фаолияти якунлашига сабаб бўлган ҳолатлар ҳақида ёзар экан, “Нима топдик нима йўқотдик буни билмайман, билганим сизлар билан ўтган вақтимга ачинмайман”, дейди у.

    Отабек Артиков
    Фото: Фаррух Файзиев.

    “Ҳурматли блогим кузатувчилари бугундан бошлаб мен блогерлик фаолиятимни бутунлай якунлашга қарор қилдим, сабаблари аҳамиятсиз, шунчаки барча тармоқлардан кетишни ва оддий ҳамда сокин ҳаёт кечиришни истайман. Мен блогимдан моддий даромад топиб бойиб кетганим йўқ, машҳурликни кетидан қувганим ҳам йўқ. Машҳур ҳам эмасман. Шунчаки бу хобби орқали одамларнинг оз бўлсада муаммоларини ечишни истаган эдим. Нима топдик нима йўқотдик буни билмайман, билганим сизлар билан ўтган вақтимга ачинмайман. Тўрт йил давомида мен билан бўлган барчага катта раҳмат”, — дейди блогер.

    “Дарё” журналисти билан суҳбатда бўлган Отабек Артиков келажакда яна қайтиши мумкинлиги ҳақида ҳам гапириб, қайтса ҳам муаммолар ҳақида ёзмаслигини айтмоқда.

    “Вайнер бўлиб қайтишим мумкин ёки шунчаки ҳазил латифалар ёзувчи. Лекин танқид қилмайман. Мурожаат ҳам чиқармайман, қайтган тақдиримда ҳам”, — дейди блогер.

    Қашқадарёда шунингдек, блогерлар Зоҳиршоҳ Жўраев, Ўралжон Камолов, Ҳумоюн Худоёровлар ҳам блогерлик фаолияти тугатилганини маълум қилган.

    Facebook Twitter LinkedIn Telegram Email

    Тавсия этамиз

    БМТ ассамблеясидаги можаро, намойишга чиққан тракторлар, бўрон қурбонларини дафн этаётган кўнгиллилар — 20 сентябрь суратлари 

    23:00 / 20.09.2023

    “Одамлар доимо энг яхши кўрган нарсаларини вайрон қилади…” — “Алкимёгар” асари ҳақида

    22:00 / 20.09.2023

    “Док-1 Макс” суди: сиропга берилган гувоҳномадаги раҳбар имзосини экспертиза қилиш сўралди. Адвокатга кўра, имзолар сохталаштирилган бўлиши мумкин 

    18:00 / 20.09.2023

    Тезюрар поезддаги жанг, авжига чиққан иқлим фаоллари, Ҳиндистон ва Канада ўртасидаги дипломатик можаро — 19 сентябрь суратлари

    22:00 / 19.09.2023

    МОЛИЯ

    Иқтисодиёт

    Ўзбекистон уран қазиб олиш бўйича дунёда 5-ўринда. Асосий кўрсаткичлар

    16:00 / 15.09.2023

    Меҳнат дафтарчаси йўқолса, қандай қилиб пенсияга чиқиш мумкинлиги тушунтирилди

    14:00 / 09.09.2023

    Давлат бюджетининг тўрт кунлик даромад ва харажатлари миқдори очиқланди. Харажатлар анча юқори

    16:00 / 08.09.2023

    Энг йирик IPO’лар: омадли ва омадсиз кечган акция сотувлари тарихи

    20:00 / 06.09.2023

    Кўп ўқилганлар

    “Россия Қозоғистонга таҳдид солмоқда” — Зеленский БМТда нутқ сўзлади (видео) 

    06:00 / 20.09.2023

    Рамзан Қодиров касаллиги ҳақидаги миш-мишларга изоҳ берди (видео)

    21:00 / 20.09.2023

    Ўзбекистонда доллар курси яна ошди

    16:00 / 20.09.2023

    ОЧЛ. “Ан-Насср” Эронда ишончли ғалабани қўлга киритди (видео) 

    02:00 / 20.09.2023

    Тошкентда автобуслар бир кунда қанча даромад қилгани очиқланди

    17:00 / 20.09.2023
    About Us

    «Daryo» интернет-нашрининг (Ўзбекистон матбуот ва ахборот агентлиги (ЎзМАА, ҳозирги Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги) томонидан 13.03.2015 йил санасида 0944-сонли гувоҳнома билан оммавий ахборот воситаси сифатида рўйхатга олинган). Матнли материалларини тўлиқ кўчириш ёки қисман иқтибос келтиришга, шунингдек, фотографик, график, аудио- ва/ёки видеоматериалларидан фойдаланишга daryo.uz сайтига гиперҳавола мавжуд бўлган ва/ёки «Daryo» интернет-нашрининг муаллифлигини кўрсатувчи ёзув илова қилинган тақдирда йўл қўйилади. Чоп этиладиган баъзи маълумотлар 18 ёшга тўлмаган фойдаланувчиларга мўлжалланмаган бўлиши мумкин. Info@daryo.uz

    © «Simple Networking Solutions» МЧЖ, 2013–2023

    Ёш бўйича чеклов

    Хато топдингизми? Ctrl+Enter тугмаларини босинг

    Нимани қидирамиз?