Ўзбекистонда пахта ёғи нархлари бир ойда ўртача 1,3 фоизга арзонлашган. Бу ҳақда Статистика агентлиги ахборот хизмати хабар берди.
Унга кўра, 2023 йилнинг май ойида пахта ёғи нархлари апрель ойига нисбатан, яъни бир ойда ўртача 1,3 фоизга арзонлашган. Пахта ёғи нархлари 2023 йил бошидан бери ўртача 7,4 фоизга арзонлашгани кузатилган. 2023 йилнинг май ойида ўтган ойга нисбатан:
- ўсимлик ёғлари нархлари ўртача 1,7 фоизга арзонлашган;
- кунгабоқар мойи нархлари ўртача 2,1 фоизга арзонлашган.
- сариёғ нархлари ўртача 0,7 фоизга ошган.
Ўтган ҳафтада биржа савдоларида 1288 тонна пахта ёғи сотилди. Ўтказилган савдоларда ҳар куни ўртача 19 та харидор иштирок этди.
Кўриб чиқилаётган даврда барча навли пахта ёғининг кунлик ўртача нархлари маҳсулотнинг бир тоннаси учун 15,7 млн сўмдан 14,9 млн сўмгача пасайди.
Изоҳ (0)