Belgiya bosh vaziri Aleksandr De Kroo velosipeddan yiqilib tushdi. Unga tez tibbiy yordam ko‘rsatilib, kasalxonaga yotqizildi. Bu haqda Belgiyaning RTBF nashri bosh vazir matbuot xizmatiga tayanib xabar bermoqda.

RTBF ma’lumotlariga ko‘ra, 3-iyun kuni 47 yoshli bosh vazir Brakeldagi uyi yaqinida velosipedda sayr qilib yurganda boshi bilan yerga yiqilib tushgan, shundan so‘ng u hushini yo‘qotgan.

Bosh vazir kasalxonaga yotqizilgan va u yerda tekshiruvdan o‘tgan. Matbuot xizmatining xabar berishicha, kechqurun Aleksandr De Krooga kasalxonadan uyga qaytishga ruxsat beriladi.