Ҳиндистоннинг Одиша штатида юз берган поездлар тўқнашуви қурбонлари сони 233 кишига етди, сўнгги маълумотларга кўра, 900 киши жароҳат олди, деб хабар бермоқда Reuters штат бош котиби Прадип Женага таяниб.
Аввалроқ штат расмийлари 207 киши ҳалок бўлгани ва 900 дан ортиқ одам ярадор экани ҳақида хабар берганди.
Қурбонлар сони ортиб бориши кутилмоқда, деди Жена Twitterъда.
Одиша шаҳрида 2 июнь куни маҳаллий вақт билан 19:20 атрофида (Тошкент вақти билан 18:50) Cоромандел Express йўловчи поезди ва юк поезди тўқнашган. Оқибатда саккизта вагон релсдан чиқиб кетган. Ҳиндустан Times газетасининг ёзишича, вагонлар қўшни йўлга ағдарилган, у ерда вагонларга бошқа йўловчи поезди келиб урилган.
Ҳиндистон бош вазири Нарендра Моди воқеа муносабати билан ҳамдардлик билдирди ва қурбонларнинг оилаларига 2 миллион рупий (24,3 минг доллар), ярадорларга эса 50 минг рупий (600 доллардан сал кўпроқ) тўланишини айтди.
Изоҳ (0)