Руминия президенти Клаус Йоханнис жума куни Бухарестдаги қароргоҳида мамлакатга шахсий ташриф билан келган Буюк Британия қироли Чарльз III ни қабул қилди.
Котрочен саройида расмий қабул маросими бўлиб ўтди, у президент маъмурияти сайтида жонли эфирга узатилди, яккама-якка суҳбат бўлиб ўтди, шунингдек, Британия монархининг Руминия ҳукумати, фуқаролик жамияти вакиллари билан учрашуви ташкил қилинди.
Зиёфатда сўзга чиққан Йоханнис Чарльз III га Руминиянинг табиати ва бой маданий меросини муҳофаза қилиш борасидаги саъй-ҳаракатлари учун миннатдорчилик билдирди. Чарльз III Руминияга нисбатан илиқ ҳис-туйғуларини билдириб, бу ерда ўзини “уйдагидек ҳис қилишини” таъкидлади.