16 декабрь, шанба куни Мексиканинг Халиско штатида автобус юк поезди билан тўқнашиб кетиши оқибатида камида икки киши ҳалок бўлди ва 15 киши жароҳатланди, деб ёзади «ТАСС». Автобус бортида футбол бўйича болалар жамоалари аъзолари бўлиб, улар катталар ҳамроҳлигида мусобақага кетаётган эди.
«Автобусда тахминан 60 киши бўлган, улардан 40 нафари учта ўсмирлар футбол жамоаси аъзолари бўлган», — деди ҳудуд қутқарув хизмати раҳбарларидан бири. Унинг сўзларига кўра, бир неча киши жиддий бош жароҳатларини олган, уларнинг аҳволи оғир деб баҳоланмоқда. Ҳалок бўлганлар катталардир, вояга етмаганлар орасидаги қурбонлар ҳақида хабар берилмади.
Жабрланганларнинг барчасига тиббий ёрдам кўрсатилмоқда.
Изоҳ (0)