Hindistonning Odisha shtatida yuz bergan poyezdlar to‘qnashuvi qurbonlari soni 233 kishiga yetdi, so‘nggi ma’lumotlarga ko‘ra, 900 kishi jarohat oldi, deb xabar bermoqda Reuters shtat bosh kotibi Pradip Jenaga tayanib.

Avvalroq shtat rasmiylari 207 kishi halok bo‘lgani va 900 dan ortiq odam yarador ekani haqida xabar bergandi.

Qurbonlar soni ortib borishi kutilmoqda, dedi Jena Twitter’da.

Odisha shahrida 2-iyun kuni mahalliy vaqt bilan 19:20 atrofida (Toshkent vaqti bilan 18:50) Coromandel Express yo‘lovchi poyezdi va yuk poyezdi to‘qnashgan. Oqibatda sakkizta vagon relsdan chiqib ketgan. Hindustan Times gazetasining yozishicha, vagonlar qo‘shni yo‘lga ag‘darilgan, u yerda vagonlarga boshqa yo‘lovchi poyezdi kelib urilgan.

Hindiston bosh vaziri Narendra Modi voqea munosabati bilan hamdardlik bildirdi va qurbonlarning oilalariga 2 million rupiy (24,3 ming dollar), yaradorlarga esa 50 ming rupiy (600 dollardan sal ko‘proq) to‘lanishini aytdi.