Келиб чиқиши ўзбекистонлик бўлган, ҳозирда Россияда фаолият юритаётган актриса Равшана Куркова иккинчи марта она бўлганини маълум қилди.
Актриса биринчи фарзандининг туғилиши ҳақидаги хабарларни бир йил давомида оммадан яширган. Ҳозирда Гаспар Амарян исмли ўғлини тарбиялаётган Равшана Куркова Instagram орқали қиз фарзандни дунёга келтирганини маълум қилди. У ҳозирча иккинчи фарзандининг исмини ошкор қилмаган.
“Бугун мен учун жуда муҳим бўлган баҳор фаслининг сўнгги куни. Ва ниҳоят ҳаётимдаги катта қувончимни сиз билан бўлишмоқчиман. Март ойида ўғлим Гаспарга сингилча олиб келиб бердим”, — дейди Равшана ижтимоий тармоқлардаги саҳифаларида.
Маълумот учун, Равшана Куркова 1980 йилнинг 22 август санасида Тошкент шаҳрида туғилган. Актриса таниқли актёр, режиссёр Баҳром Матчоновнинг қизи. Равшана ёшлигида санъат оламига кириб келди, бунга ота-онасининг касби ёрдам берди. Актриса илк марта 12 ёшида “Папоротник сири” фильмида дебют қилган.
У кинодаги фаолияти давомида “Хусусий детектив”, “Туғилган кунингиз билан”, “Уч қиз”, “Катта шаҳардаги севги-2” фильмларида суратга тушган. У шахсий ҳаёти ҳақидаги маълумотларни оммадан яширишни маъқул кўради.
Изоҳ (0)