Актёрлар фильмдаги қаҳрамонига айланиш учун улар ташқи кўринишини, юришини, нутқини ва ҳатто ёшини осонгина ўзгартирадилар. Улар кўпинча ўзларидан бир неча ёш кичик ёки каттароқ қаҳрамонларни ўйнашади ва буни кўпчилик сезмайди ҳам.
Менди Мур — “Бу биз”
“Бу биз” телесериалида кўп болали она ролини ўйнаган 39 ёшли Менди Мур ўз фарзандлари ролини ўйнаган актёрлардан бир неча ёш кичик бўлган Унинг “экрандаги” қизи 42 ёшда, ўғиллари эса 46 ва 47 ёшда эди.
Пол Уэсли, Иан Сомерхалдер ва Энни Уэрсчинг — “Вампир кундаликлари”
“Вампир кундаликлари” фильмида Энни Уэрсчинг қаҳрамонлар Пол Уэсли ва Ян Сомерхалдернинг онасини ўйнайди. Аммо актриса Уэслидан атиги беш ёш катта ва Сомерхалдер билан ёшидаги фарқ бор-йўғи бир йил бўлган.
Майкл Жей Фокс ва Ли Томпсон — “Келажакка қайтиб”
Ҳақиқий ҳаётда Майкл Жей Фокс ва Ли Томпсон тенгдош, аммо “Келажакка қайтиб” култ фильмида улар ўғил ва она ролини ўйнайди. Ёшга боғлиқ грим ва визажистлар томонидан яратилган юз протезлари туфайли бу ҳақиқат деярли сезилмайди.
Жеффри Дин Морган ва Женсен Аклса — “Ғайритабиий”
Ота ва ўғил ролини ўйнаган актёрлар ўртасидаги ёш фарқи ақл бовар қилмайдиган даражада кичик, гарчи ташқи кўринишда бу билинмаса ҳам. Жеффри Дин Морган ва Женсен Аклса ўртасидаги фарқ — 12 йил.
Шон Коннери ва Харрисон Форд — “Индиана Жонс ва сўнгги салиб юриши”
“Индиана Жонс ва сўнгги салиб юриши” фильмида машҳур археологнинг отаси ролини ўйнаган Шон Коннери ҳам Харрисон Форддан атиги 12 ёш катта.
Жонни Депп ва Рейчел Гриффитс — “Кокаин”
Жонни Депп “Кокаин” фильмидаги онаси — Рейчел Гриффитсдан беш ёш катта бўлган.
Дастин Хоффман ва Энн Бенкрофт — “Битирувчилар”
“Битирувчилар” фильмида 30 ёшли Дастин Хофман ўзидан 10 ёш кичик ўқувчи ролини ўйнайди. Энн Бенкрофт эса йигитни йўлдан оздирувчи аёл ролини ўйнайди. Аслида у бош қаҳрамондан унчалик катта эмас эди: у 36 ёшда бўлган.
Эмма Томпсон ва Кейт Уинслет — “Ақл ва туйғу”
Худди шу номдаги романнинг сюжет ига кўра, опа-сингиллар Элинор ва Марианна Дешвуд ўртасидаги фарқ тахминан 3 йил. Аммо бу ролларни ижро этган актрисаларнинг ёшидаги фарқ 15 йил. Кейт Уинслет 20 ёшда 19 ёшли Элеонора образини яратган бўлса, Эмма Томпсон ўша пайтда 35 ёшда эди.
Ширли Хендерсон ва Дэниэл Радклифф — “Гарри Поттер ва махфий ҳужра”
“Гарри Поттер ва ва махфий ҳужра” фильмида йиғлоқи Миртл ролини ижро этган Ширли Хендерсоннинг ҳақиқий ёши қаҳрамонининг ёшидан бир неча баробар катта. Аслида суратга олиш пайтида актриса 37 ёшда эди. Сценарийга кўра, Миртл билан тенгдош бўлган бош рол ижрочиси Дэниэл Радклифф эса атиги 13 ёшда бўлган.
Салли Филд ва Дэниэл Дей-Льюис — “Линколн”
Салли Филд худди шу номдаги фильмда 65 ёшида президент Линколннинг 45 ёшли рафиқаси ролини ўйнайди. Бош қаҳрамон ролини эса 55 ёшли Дэниэл Дей-Льюис ижро этган.
Салли Филд ва Том Хенкс — “Форрест Гамп”
Бу актриса Салли Филднинг ўз ёшидан катта образни яратишдаги биринчи иши эмас. У “Форрест Гамп” фильмида Форрест Гампнинг онасини ўйнаган, гарчи у Том Хенксдан атиги 10 ёш катта бўлса ҳам. Мазкур култ фильми чиқишидан олдин актёрлар яна бир фильмда севишганлар ролини ижро этишган.
Изоҳ (0)