Kelib chiqishi o‘zbekistonlik bo‘lgan, hozirda Rossiyada faoliyat yuritayotgan aktrisa Ravshana Kurkova ikkinchi marta ona bo‘lganini ma’lum qildi.
Aktrisa birinchi farzandining tug‘ilishi haqidagi xabarlarni bir yil davomida ommadan yashirgan. Hozirda Gaspar Amaryan ismli o‘g‘lini tarbiyalayotgan Ravshana Kurkova Instagram orqali qiz farzandni dunyoga keltirganini ma’lum qildi. U hozircha ikkinchi farzandining ismini oshkor qilmagan.
“Bugun men uchun juda muhim bo‘lgan bahor faslining so‘nggi kuni. Va nihoyat hayotimdagi katta quvonchimni siz bilan bo‘lishmoqchiman. Mart oyida o‘g‘lim Gasparga singilcha olib kelib berdim”, — deydi Ravshana ijtimoiy tarmoqlardagi sahifalarida.
Ma’lumot uchun, Ravshana Kurkova 1980-yilning 22-avgust sanasida Toshkent shahrida tug‘ilgan. Aktrisa taniqli aktyor, rejissor Bahrom Matchonovning qizi. Ravshana yoshligida san’at olamiga kirib keldi, bunga ota-onasining kasbi yordam berdi. Aktrisa ilk marta 12 yoshida “Paporotnik siri” filmida debyut qilgan.
U kinodagi faoliyati davomida “Xususiy detektiv”, “Tug‘ilgan kuningiz bilan”, “Uch qiz”, “Katta shahardagi sevgi-2” filmlarida suratga tushgan. U shaxsiy hayoti haqidagi ma’lumotlarni ommadan yashirishni ma’qul ko‘radi.
Izoh (0)