Бир вақтнинг ўзида “Оскар” ва “Олтин малина” мукофотларини олган таниқли актёрлар ҳақида эшитгандирсиз? Аслида муваффақиятсиз рол ўртамиёналик белгиси эмас. Қуйида юлдузларга шон-шараф эмас, балки томошабинлар танқидини олиб келган муваффақиятсиз роллар ҳақида маълумот берамиз.
Пенелопа Круз — “Код 355”
“Безори” фильмида актриса мафтункор босқинчи ролини ўйнаган. “Код 355” фильми худди шу жанрга тегишли — бош ролларда гўзаллар иштирок этган жанговар фильм. Бироқ янги фильм жамоатчиликда ҳам, танқидчиларда ҳам катта таассурот қолдирмади. Кузатувчиларнинг ёзишича, фильмда Круз фақат йиғлаган, жанговар фильмнинг ўзи ҳам жуда зерикарли. “Код 355”даги ушбу роли учун актриса “Олтин малина” мукофотига номзод бўлган.
Зендая — “Ўргимчак одам: Уйга қайтиш”
Зендая ёш бўлишига қарамай, аллақачон “Олтин глобус” ва иккита “Эмми” мукофотини қўлга киритган. Маълум бўлишича, ҳамма ҳам мукофотларни адолатли деб ҳисобламаган. Баъзи интернет фойдаланувчилари Зендаянинг актрисалик истеъдоди ҳаддан ташқари эътироф этилган деб ҳисоблашади.
Том Хенкс — “Пиноккио”
Том Хенкснинг истеъдодли актёр эканлигини эътироф этмасликнинг иложи йўқ. У энг яхши эркак роли учун иккита “Оскар” олган. Эҳтимол, актёр “Пиноккио”да ўйнашга рози бўлганидан афсусдадир, чунки фильм муваффақиятсиз чиққан, натижада Хенкс “Олтин малина” учун номзод бўлган.
Блейк Лайвли — “Оддий илтимос”
Йўқолган аёл ва уни топиш учун йўлга чиққан унинг яқин дугонаси ҳақидаги “Оддий илтимос” фильми турли баҳоларга сазовор бўлди. Томошабинлар 2 дан 8 гача баҳолашган. Баъзилар фильмнинг охири ёқмаган, бошқалар эса актёрлардан шикоят қилган.
Брюс Уиллис — “Буғдойзордаги кеча”
Брюс Уиллис жанговар фильмларнинг профессионал актёри ҳисобланади. Унинг иштирокидаги жиноий триллер хит бўлиши керак эди, аммо фильм омадсизликка учради.
Винс Вон — “Телба”
Винс Вон 1998 йилда “Телба” фильмининг ремейкида маняк Норман Бейц ролини ижро этган. Баъзи томошабинлар бу ролни актёр фаолиятидаги энг катта муваффақиятсизлик деб аташади.
Александра Даддарио — “Перси Жексон ва олимпиадачилар: Чақмоқ ўғриси”
Танқидчилар Перси Жексоннинг саргузаштларини “Голливуднинг стандарт маҳсулоти” ва “Гарри Поттернинг яна бир тақлиди” деб аташган. Афинанинг қизи ролини ижро этган актриса Александра Даддарио мухлисларга ёқмайди. Асосий сабаблардан бири — нотўғри танланган соч рангидир.
Том Хенкс – “Да Винчи коди”
“Да Винчи коди” фильмида бош ролга юлдузлардан иборат актёрлар таклиф қилинган. Фақат Хом Хенкс, томошабинларнинг фикрига кўра, ушбу лойиҳага унчалик мос келмайди.
Изоҳ (0)