Инсулт оғир ва ҳатто ўлимга олиб келиши мумкин бўлган касаллик. Агар сиз касаллик белгиларига эътибор қаратсангиз ва шифокор билан маслаҳатлашсангиз яқинлашиб келаётган хавфни олдиндан билиб олишингиз мумкин.
Ҳозирги кунда инсулт ўлимнинг энг кенг тарқалган сабабларидан бири ҳисобланади. Оддий қилиб айтганда, инсулт қон айланишининг ёмонлашиши билан боғлиқ. Биринчидан, кичик томирларнинг тиқилиб қолиши юзага келади, кейин организмимизнинг муайян ҳаракатлари учун масъул бўлган миянинг кичик жойларига зарар етказилади.
Тана бундай зарарга тезда жавоб беради ва уларни йўқ қилишга ҳаракат қилади: муаммо такрорланади ва организм ўзини ёмон ҳис этади. Агар сиз касаллик белгилари ҳақида билсангиз, уларни кузатиш ва пайдо бўлиш сабабини тушуниш учун кўпроқ имкониятга эга бўлади. Бу ҳолатда имкон қадар тезроқ текширувдан ўтинг ва соғлиғингизда қандай муаммо борлигини билиб олинг.
Инсулт хавфли касаллик, у кўпинча ёшлар орасида ҳам пайдо бўлади ва тана устидан назоратни йўқотиш шаклида намоён қилади.
Кўриш қобилиятининг ёмонлашиши
Ёш ўтиши ва гаджетлардан тўхтовсиз фойдаланиш кўриш қобилиятининг ёмонлашишига сабаб бўлади. Аммо кўришнинг (шунингдек, эшитишнинг) кескин ёмонлашишини сезсангиз, шифокор билан маслаҳатлашишингиз керак. Бу микроинсултнинг энг кенг тарқалган аломати ҳисобланади.
Қаттиқ бош оғриғи
Бош оғриғи турли сабабларга кўра, шу жумладан остеохондроз ва бу соҳада қон айланишининг ёмонлиги билан боғлиқ бошқа ташхислар сабаб юзага келади. Оғриқ ҳам турлича бўлиши мумкин, узоқ давом этган оғриқдан қисқа муддатли ва ўткиргача. Агар одатда бундай муаммоларга дуч келмаган бўлсангиз, сиз учун оғир, ўткир ва атипик бош оғриғи эътибордан четда қолмаслиги мумкин бўлган муҳим аломат ҳисобланади.
Мулоқотдаги қийинчиликлар
Кўпинча, инсултга чалиниш хавфи бўлган инсонлар ғалати гапира бошлайди, билмасдан иборалар ва сўзларнинг ўрнини чалкаштириб юборади. Шунга ўхшаш муаммо бошқача тарзда ҳам намоён бўлади, яъни бундай ҳолатда ўзингиз атрофдагиларни тушунолмай қоласиз.
Агар сизга атрофдагиларнинг барчаси бирдан бемаъни гапларни гапира бошлаган ва ўзини ғалати тутаётгандек туюлса, сизнинг миянгиз одатдаги ишлаш фаолиятини йўқотган ва нейронлар аввалгидек фаол ишламаётган бўлиши мумкин. Атрофдагиларнинг барчаси бирдан ақлдан озиши мумкин эмас, бу ҳолатда муаммони ўзингиздан излашингиз керак.
Инсулт белгиларининг асосий хавфи шундаки, бундай аломатлар жуда тез пайдо бўлади, бироқ тезда пасаяди. Шу сабабли кўпчилик бундай вақтинчалик белгиларга эътибор бермайди.
Тўғри, ҳеч ким ҳар бир кичик нарсадан ваҳима қилишни хоҳламайди. Бироқ ёдда тутинг: баъзида деталлар сизни қутқариши мумкин. Oптимал овқатланиш, ёмон одатларни камайтириш ва соғлом турмуш тарзининг бошқа қоидаларига риоя қилиш инсулт хавфини камайтиради.
Изоҳ (0)