Бу нарсалар кеча-ю кундуз ишлатилмайди, лекин жуда кўп энергия сарфлайди. Қайси маиший техника энергия тўловларига энг кўп таъсир қилишини билиб олинг.
Портатив иситкич
Шуни ёдда тутингки, ушбу қурилма соатига тахминан 1500 ватт қувватда ишлаши мумкин. Кондиционер ҳам тахминан шундай кўрсаткичда ишлайди.
Идиш ювиш машинаси
Албатта, идиш ювиш машинаси энг қулай қурилмалардан бири, аммо жуда қиммат техника. Бу қурилма нафақат махсус ювиш воситаларини, балки кўп электр энергиясини ҳам талаб қилади — ҳар соатда тахминан 1350 ватт энергия кетади.
Фен
Соч қуриткичдан узоқ вақт фойдаланмасангиз ҳам, соатига 1000 дан 1875 ваттгача энергия истеъмол қилишини унутманг.
Дазмол
Кийимларингизни дазмоллаш кўп энергия талаб қилмаслиги мумкин, лекин дазмолнинг ўзи соатига тахминан 1200 ватт қувват сарфлайди, шунинг учун эҳтиёткорлик билан дазмоллашни талаб қиладиган чойшаблар ва мураккаб кийимларни дазмолласангиз, бу энергия ҳисобингизга таъсир қилиши мумкин.
Тостер
Нонни қовуриш ёки пиццани қиздириш бир неча дақиқа вақт олиши мумкин, аммо ўша пайтда ўйлаганингиздан ҳам кўпроқ энергия сарфланаётган бўлиши мумкин. Тостер соатига тахминан 1150 ватт истеъмол қилади.
Ҳаво намлагич
Намлагичлар жуда қуруқ ҳавони намлаш учун жуда яхши техника, лекин агар у энергия тежайдиган модел бўлмаса, ҳар соатда 1000 ваттгача қувват ишлатиши мумкин — намлагичлар кунига бир неча соат мунтазам равишда ишлатилади.
Микротўлқинли печ
Микротўлқинли печлар турли қувват даражаларида ишлаши мумкин, аммо ўртача модел 600 дан 1500 ваттгача энергия истеъмол қилиши мумкин. Албатта, камдан кам одам микротўлқинли печни бир соат кетма-кет ишлатади, лекин кўп одамлар муздан тушириш жараёнини шу тарзда тезлаштиришни афзал кўришади.
Кофе қайнатгич
Агар сиз ҳар куни эрталаб қаҳва ичишни ёқтирсангиз, уни тайёрлаш учун қанча энергия кераклигини билишингиз мумкин. Қаҳва қайнатгич соатига ўртача 600 дан 1200 ваттгача электр сарфлайди.
Чангюткич
Микротўлқинли печ сингари чангюткич ҳам моделига қараб ўртача 300 дан 1000 ваттгача энергия истеъмол қилади.
Чойнак
Ўз-ўзидан электр чойнак унчалик энергия “емайдиган” бўлиб кўриниши мумкин, аммо ҳаммаси уни қандай ишлатишингизга боғлиқ. Агар уни кунига 3-4 марта ёқсангиз, у ҳолда сизга 600-700 ватт керак бўлади, лекин бутун оила уни чексиз ишлаца, кўрсаткичлар икки ёки уч баравар юқори бўлиши мумкин. Шунинг учун кўпчилик сувни қайта иситмаслик учун қолган қайноқ сувни термосда сақлашни афзал кўради.
Изоҳ (0)