Тошкент шаҳри Янгиҳаёт туманида 24 май куни ҳаракатланаётган Lacetti’да ёнғин содир бўлди. Бу ҳақда ФВВ ахборот хизмати хабар берди.
Маълум бўлишича, соат 21:51 да “Олчазор” маҳалласида ҳаракатланиб кетаётган Lacetti’да ёнғин содир бўлгани тўғрисида шаҳар туман ФВ бўлимига хабар тушган.
Шунга кўра, 2 та ёнғин-қутқарув экипажи соат 21:54 да воқеа жойига етиб бориб, ёнғин соат 22:00 да ўчирилган.
Ёнғин автомобилнинг электр симларидаги қисқа туташув сабаб содир бўлган. Ёнғинда автомобилнинг матор қисми ёниб зарарланган. Ҳодиса оқибатида тан жароҳати олган ва ҳалок бўлганлар йўқ.
Изоҳ (0)