Жанубий Кореянинг Ёжу шаҳрида Ўзбекистон фуқаролари бепул корейс тили курсларида ўқитилади. Бу ҳақда Ташқи меҳнат миграцияси агентлиги ахборот хизмати хабар берди.

Хабарга кўра, Ташқи меҳнат миграцияси агентлигининг Кореядаги ваколатхонаси ҳамда Ёжу шаҳридаги Хорижий ишчиларни қўллаб-қувватлаш маркази ўртасида ҳамкорлик меморандуми имзоланди. 

Меморандумда марказда ташкил этилган бепул корейс тили курсларига ўзбекистонликларни жалб қилиш ва ахборот алмашиш юзасидан ҳамкорлик тизимини йўлга қўйиш, кенг нишонланадиган маданий тадбирларни ҳамкорликда нишонлаш, Корея ҳудудида ишлаётган Ўзбекистон фуқароларига ҳуқуқий ва маслаҳат хизматларини кўрсатиш ҳамда семенар ва тренинглар ўтказиш кўзда тутилган.