Голливуд актрисаси Анжелина Жоли Atelier Jolie номли модалар уйини ишга туширди, деб ёзмоқда “Корреспондент.нет” нашри.
Маълум бўлишича, актриса лойиҳа устида бир неча йил ишлаган ва у бу борада экологик тозалик ва индивидуал ёндашувга таянади.
“Мен ижодкорлар ва турли хил тажрибага эга тикувчилар, нақш тикувчилар ва дунёнинг турли бурчакларидан келган ҳунармандлар оиласи билан ҳамкорлик қилиш мумкин бўлган жой яратяпман. Биз фақат қолдиқлар, сифатли винтаж материаллари ва хом ашёлардан фойдаланамиз.
Гардеробингиздаги ўзингиз қайта тикламоқчи бўлган нарсаларни тузатишингиз ёки қайта тиклашингиз, шаклини ўзгартиришингиз, ташлаб юборилган нарсалардан нимадир тикишингиз ва шахсий маънога эга сифатли кийимни яратишингиз мумкин бўлади”, — дейди актриса.
Жолининг сўзларига кўра, бренднинг жамоа аъзолари турли миллат ва ижтимоий-иқтисодий муҳитга эга бўлган ижодкорлар, жумладан, қочқинлар ва бошқа “кам баҳоланмаган гуруҳ” вакилларидан ташкил топган.
Изоҳ (0)