Америкалик хонанда Бейонсе ўз карьераси қандай бошлангани ҳақида сўзлаб берди. У бу ҳақда Instagram’даги саҳифасида маълум қилди.

Бейонсенинг сўзларига кўра, хонанда онаси Тина Ноулзга тегишли бўлган сартарошхонада қирқилган сочларни супурган ва у сочларни турмаклаётганда ёш ижодкор мижозлар олдида чиқиш қилган.  

“Менинг биринчи ишим онамнинг салонида қирқилган сочларни супуриш эканлигини кўпчилигингиз билармидингиз? Destiny’s Child гуруҳи ўз чиқишларини мижозларнинг соч турмаги яратилаётган пайтда бошлаган. Унинг салонида мен жуда кўп ташаббускор аёлларни учратдим.

Сочларга эътибор қаратиш уларнинг жонланишига бевосита таъсир қилишини кўрдим. Мен уларнинг ‘яхшилашаётганини’ кўрганман ва кўплаб аёлларга ёрдам берганман. ‘Соч турмаклаш борасидаги саёҳатим’да жуда кўп нарсаларни ўрганганимдан сўнг, мен доимо унинг меросини давом эттиришни орзу қилдим. Мен нима яратганимни кўришингизни кута олмайман”, — дейди хонанда.