Тошкент шаҳрининг Яккасарой ҳамда Бектемир туманлари ҳудудидаги айрим аҳоли яшаш хонадонлари ҳамда кичик тадбиркорлик субъектларида 16 май куни электр энергияси соат 18:00 га қадар вақтинчалик ўчирилди. Бу ҳақда “Ҳудудий электр тармоқлари” АЖ Тошкент шаҳар филиали хабар берди.
Таъкидланишича, бу истеъмолчиларга сифатли ва барқарор электр энергиясини етказиб берилишини таъминлаш, шунингдек, электр тармоқларида содир бўлиши мумкин бўлган авария ҳолатларини олдини олиш, ҳамда таъмирлаш ишларини хавфсиз бажариш мақсадида амалга оширилмоқда.
- Бектемир тумани “Забардаст” МФЙ кўчалари ҳудудидаги аҳоли яшаш хонадонларида;
- Яшнобод тумани Баҳор, Абадият, Абай, Жарбоши, Ташисти ҳамда Иқбол кўчалари ҳудудидаги аҳоли яшаш хонадонларида;
- Яккасарой тумани “Яккасарой” МФЙнинг Яккасарой, Б.Ҳилолий, Б.Ҳилолий 3-тор ҳамда Оқсарой кўчалари ҳудудидаги аҳоли яшаҳ хонадонларида электр энергияси вақтинчалик ўчирилган.
Қайд этилишича, истеъмолчиларга электр энергиясини сифатли ҳамда ишончли етказиб беришда юзага келиши мумкин бўлган аварияли узилишларнинг олдини олиш ва туман электр таъминоти корхонаси томонидан белгиланган давлат дастурлари асосида ҳудудларда паст кучланишли электр узатиш тармоқларини янгилаш ва модернизация қилиш ишлари босқичма-босқич амалга ошириб келинмоқда.
“Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр энергияси таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди.
Куни кеча “‘Яшил энергия’ сертификатлари тизимини жорий этиш чора-тадбирлари тўғрисида”ги президент қарори қабул қилинганди. Қарорга мувофиқ, электрнинг қайта тикланувчи манбалар асосида ишлаб чиқарилганини тасдиқловчи “яшил энергия” сертификати тизими қуйидаги босқичларда жорий этилади:
- 2023 йил 1 июлдан — “Ўзбекгидроэнерго” АЖдаги гидроэлектр станцияларида ишлаб чиқарилган электр учун;
- 2023 йил 1-октябрдан — қуёш, шамол ва гидроэлектр станцияларида ишлаб чиқарилган электр учун.
Изоҳ (0)