Гримёрлар катта маҳорат билан ишлагани туфайли киноқаҳрамонлар ўта ишонарли чиққан машҳур фильмлар (фото)

Томошабиннинг фильм қаҳрамонига ишониши учун фильм сюжет и ҳар доим ҳам етарли бўлавермайди. Maxсус костюмлар, соч турмаги ва, албатта, грим жуда муҳим.

Марта Митчелл — “Газлит”

Жулия Робертсни Марта Митчеллга ўхшатиш осон иш эмасди: актрисанинг ўзига хос юз тузилиши прототипига ўхшамасди. Шунинг учун визажистлар кўп ишлаши керак эди: Марта ва Жулиянинг юз шаклларини ўрганиб, бир-бирига мос бўлган, аммо айни пайтда ташқи кўринишига зид бўлмаган соч турмаги ва пардозларни танладилар.

Бунинг учун 2 хил парик яратилади: Мартанинг начосли ва машҳур боб соч турмаги. Макияжга келсак, Жулиянинг юзига оч ранглар қўлланилган ва лаблари рангсиз лаб бўёғи билан бўялган.

Шунингдек, актриса учун махсус тиш протези қилинган, бу юзининг пастки қисмини бир оз юмалоқ кўринишига имкон берган.

Малефисента — “Малефисента”

Анжелина Жолининг Малефисента учун макияжи 2,5 соат давом этган. Шу билан бирга, фильм визажисти Анжелина Малефисента образини яратишда бевосита иштирок этганини айтади. Жумладан, персонажнинг ўзига хос белгиси бўлган ўткир қиррали ёноқ суяклари “Born This Way” клипида Леди Гагаганикидек бўлишини таъкидлаган.

Ҳар куни актрисанинг ёноқлари ва бурнига силикон қопламалар ёпиштирилган. Анжелинанинг терисини пардоз воситасидан ҳимоя қилиш учун визажист унинг юзига кокос ва арган ёғини суртган.

Барон Харконнен — “Дюна”

“Дюна” фильмининг бош ёвуз қаҳрамони Владимир Харконненни Стеллан Скарсгард ижро этган. Бу персонаж қиёфасини яратиш учун визажистга тахминан 16 ҳафта вақт керак бўлди: камида 15 хил техника синаб кўрилган.

Охир-оқибат, баронни сочсиз ва қошсиз қилишга қарор қилинди ва унга вазминлик бериш учун силикон юз қопламалари ва “қалин” костюм кийдирилган. Реквизитларнинг умумий массаси 9-11 кг эди. Натижада унинг Харконнени чиндан ҳам ажойиб чиқди.

Кесси — “Умиди сўнаётган қиз”

Фильм визажистининг сўзларига кўра, қаҳрамоннинг макияжи алоҳида персонаж эди. Кесси пардозсиз юролмасди, чунки бу унга кимлигини яширишга ёрдам беради. Мисол учун, кун давомида қиз фариштага ўхшаши керак эди ва бунга табиий пардоз туфайли эришилади.

Кечқурун Кесси безори қизга айланиб, янги ниқоб кияди. Унинг кўзлари атайлаб булғангандек кўриниши учун визажист актрисанинг киприкларига туш суртиб, дарҳол кўзларини юмишини сўрайди. Шунингдек, актрисанинг юзига терлагандек кўриниши учун спрей сепилган.

Уэйн Хейс — “Ҳақиқий детектив”

Сериалда Маҳершала Али қаҳрамони турли ёшда пайдо бўлади, демак, визажистнинг машаққатли меҳнатисиз бу образни ҳам тасаввур қилиш мумкин эмасди. Қаҳрамоннинг кекса “версияси” устида ишлаган мутахассис қандай қилиб бундай реализмга эришганини айтиб берди.

Аввал визажист актёр билан учрашиш учун боради. Унинг бир нечта фотографик портретларини суратга олади, шунингдек, ҳар бир ажинни ўрганиш ва вақт ўтиши билан унинг қандай ўзгариши ҳақида ўйлаш учун Алининг юзига гипс қўяди. Ушбу таҳлил асосида қуриб қолган терига тақлид қилиш учун махсус юз қопламалари ишлаб чиқарилган. Уларнинг ёрдами билан актёрни “қаритиш” учун визажист 3 соатдан 5 соатгача вақт сарфлади.

Билли Жин Кинг — “Жинслар жанги”

Эмма Стоунни деярли ҳеч қачон бўянмайдиган теннисчи Билли Жин Кингга айлантириш учун визажистлар спортчининг ўзига хос хусусиятларига эътибор қаратдилар: қорайган тери, сепкиллар, қош шакли ва чандиқлар. Шунинг учун қаҳрамон учун махсус пардоз ишлаб чиқилган бўлиб, у спрет, бронзер ва минимал миқдордаги декоратив косметикани ўз ичига олади.

Бундан ташқари, Стоуннинг сочлари ҳар ҳафта қора рангга бўялган — ранг формуласи визажист илтимосига биноан таниқли колорист томонидан ишлаб чиқилган.