“Галактика қўриқчилари” кинокартинасининг учинчи қисми жаҳон прокатида 500 миллион доллардан кўпроқ маблағ тўплади, деб хабар бермоқда “Film.ru” нашри.
Кинокартина ҳозирга қадар АҚШ ва Канада ҳудудидан 213,2 миллион доллар маблағ йиғган. Лойиҳанинг чипталар сотуви атиги 49 фоизга камайган, иккинчи ҳафтада Marvel кинематик оламининг барча лойиҳалари ичида фақат “Қора Пантера”нинг чипталар сотуви 45 фоиз ва “Тор” фильминики эса 47 фоизни ташкил қилган.
Халқаро ҳудудлардан яна 315,6 миллион доллар тўпланиб, фильмнинг жами прокати 528,8 миллион долларга етган. “Галактика қўриқчилари” лойиҳасининг бюджети 250 миллион долларни ташкил этди.
Учинчи қисмда Гаморанинг йўқолишидан ҳанузгача ўзига кела олмаётган Питер Квилл ўз жамоасини коинотни ҳимоя қилиш учун йиғади. Янги миссия жуда хавфли: бу қўриқчилар учун сўнггиси бўлиши ҳам мумкин.
Изоҳ (0)