Фильмлар суратга олиниб, томошабинга тақдим этилгунга қадар кўп меҳнатни талаб қилади. Айрим машҳур фильмларда уддалаб бўлмайдиган ишлар компьютер графикасидан фойдаланиб амалга оширилади, айримларида эса бу ҳеч қандай графикасисиз суратга олинади.
“Қора рицар”
Агар баъзи ажойиб саҳналарни амалий эффектлар билан кўрсатиш мумкин бўлса, Кристофер Нолан буни албатта амалга оширади. У “Қора рицар”да компьютер графикасида бажарилгандек кўринган иккита саҳнани томошабинларга тақдим этди. Биринчи саҳна — шифохонанинг портлаши. Ушбу саҳна учун Кристофер Нолан ҳақиқий бинони портлатиб юборди. Иккинчиси — юк машинасининг 180 даражада бурилиши. Айланиш арафасида юк машинасидан улкан чақнаш чиқди ва у ағдарилиб кетди. Катта маккажўхори майдонлари саҳналари учун Кристофер Нолан ҳақиқий маккажўхори майдонини етиштириш учун кўп пул сарфлади. У сармояни ҳосил ёрдамида қайтариб олди. “Аргумент” фильмини суратга олиш пайтида у ҳақиқий самолётни ҳақиқий бинога юборди ва худди шундай ҳақиқий портлашни амалга оширди.
“Телба Макс”
“Телба Макс” фильмида компьютер графикасидан фойдаланилган, дейилса бу ҳеч кимни ҳайратга солмас эди. Ажабланарлиси шундаки, фильмдаги графикалардан минимал даражада фойдаланилган. Кинокартинада суратга олиш жараёнлари учун ҳақиқий машиналар қурилган, оловли устунлар қурилган, улар бир вақтнинг ўзида узун қаторларда катта тезликда ҳаракат қилишган. Масалан, фильмдаги қум бўрони саҳнасида графикадан фойдаланилган.
“Роял казиноси”
Жеймс Бонд фильмларининг бир нечта қисмларини суратга олиш учун Даниел Крейг ҳар доим ўзини мукаммал жисмоний ҳолатда ушлаб туриши зарур эди, чунки у югуриш, сакраш, жанг қилиш ва кўп зарба бериш ҳаракатларини бажариши керак бўлган. Бундан ташқари, баъзи трюклар шунчалик хавфли эдики, ҳатто каскадёрлар ҳам уларни бажаришдан қўрққан. Бундай тюклардан бири Моллакнинг 30 метр баландликдаги крандан сакраш саҳнаси эди. Бу сакрашни фрираннер Себастьян Фукан амалга оширди. Фрираннер интервьюларидан бирида бу ҳолатда асабийлашганини айтган, чунки у ҳаётини суғурта қилмаганлиги сабабли хато қила олмас эди.
“Форсаж”
“Форсаж” фильмлар туркумини физика қонунларига ва ҳар қандай соғлом фикрлашга эътибор бермагани учун хоҳлаганча танқид қилиш мумкин, бироқ бу томошабинга бўш вақт ўтказиши учун зарур бўлган нарса – жўшқин ва эпик ҳаракатни тақдим этадиган лойиҳага айланди. Ажабланарлиси шундаки, графикага ўхшаш саҳналарнинг асосий қисми табиий равишда суратга олинган.
“Форсаж-6” фильмида, танк билан боғлиқ саҳнада ҳақиқий танк Испания трассаси бўйлаб кетаётган эди, у йўлда 250 га яқин машинага зарар етказган. Фильмнинг еттинчи қисмидаги суратга олиш ишлари ҳам қизиқ бўлиб, машиналар парашютларда тўғридан тўғри тоғ йўлига ташланган. Улар ҳақиқатан ҳам парашютда тушиб, машиналарни тор йўл бўйлаб қувиб кетишган. Машиналар бир-бирига, дарахтларга тўқнашиши, катта баландликдан қулаб тушиши — буларнинг барчаси суратга олиш жараёнларида бўлиб ўтган.
Пол Уокер ҳақиқатан ҳам жарликдан машина томон сакраб тушди, бироқ у ҳимояланган эди. Кинокартинанинг тўққизинчи қисмида ижодкорлар ҳақиқий юк машинасидан фойдаланишди, бу фильмда кучли магнит ёрдамида атрофдаги барча металлни ўзига тортди. У суратга олиш жараёнларида ишлатиладиган магнит эмас эди, бироқ оғир металл буюмлар аслида суратга олиш майдончасида учиб юрарди.
Буларнинг барчаси ақл бовар қилмайдиган саҳналар ва баъзан скептиклар томонидан танқид қилинади, бироқ ҳатто энг қизғин скептиклар ҳам саҳна орти кадрларини кўрганларида жим қолади.
“Интиҳо”
“Интиҳо” номли фильмидаги энг машҳур саҳналардан бири айланувчи коридордаги икки дақиқалик жанг саҳнаси. Визуал эффектларга мурожаат қилмасдан суратга олиш учун Кристофер Нолан ҳақиқий айланувчи коридорни буюртма қилди, унда актёрлар постпродакшнда кийилган боғичлар билан ҳаракат қилган. Ушбу икки дақиқали саҳнани суратга олиш учун “Интиҳо” фильмининг суратга олиш гуруҳи уч ҳафта вақт сарфлади, натижа эса кутилганидек ўзини оқлади, чунки саҳна фильм контекстидан ташқарида ҳам ажойиб ва таъсирли кўринади.
“Келажак чегараси”
Том Круз ҳам худди Кристофер Нолан каби фильмларида кўпроқ амалий эффектлардан фойдаланишга ҳаракат қилади. Бу нафақат “Уддалаб бўлмас топшириқ” лойиҳасида, балки экзоскелетлар ҳақиқий бўлган “Келажак чегараси” фильмида ҳам яққол кўринади. Уларни яратиш учун 4 ойдан 5 ойгача вақт керак бўлди, улар экзоскелет турига қараб 38 дан 56 килограммгача бўлган. Актёрни кийинтириш ва костюмини ечишга бир соатча вақт кетди ва бунинг учун 4 киши керак бўлди.
Изоҳ (0)