Туркияда Олти мухолифатчи партияси альянсидан (Халқ альянси) номзод Камол Қиличдарўғли мамлакат демократияни соғингани ва у тез орада келишини айтди. Бу ҳақда у Туркияда бўлиб ўтаётган президентлик ва парламент сайловларида овоз бериш учун сайлов участкасига келганида маълум қилди.
“Биз ҳаммамиз демократияни, бирга бўлишни соғиндик. Кўрасиз, тез орада бу мамлакатга баҳор келади”, — деди журналистларга Туркия мухолифати етакчиси.
Туркиядаги президентлик сайловларида уч номзод – амалдаги президент Ражаб Тоййиб Эрдўғон, мухолифат номзоди Камол Қиличдорўғли ва “Отатуркчилар иттифоқи”дан номзод Синан Оган иштирок этмоқда. Юқори давлат лавозими учун асосий кураш Эрдўғон ва Қиличдорўғли ўртасида кечиши кутилмоқда.
Ғалаба қозониш учун 50 фоиздан кўпроқ овоз олиш керак, маҳаллий сиёсатшунослар Туркияда президентлик сайловлари икки турда ўтказилишини истисно этмайди. Иккинчи тур 28 май куни бўлиб ўтиши мумкин. Кўпчилик овоз берган номзод ғолиб деб эълон қилинади.
Парламент сайловларида 36 партия иштирок этмоқда, уларнинг бир қисми парламентга кириш учун зарур бўлган 7 фоизлик тўсиқдан ўтиш учун альянс тузган.
Изоҳ (0)