Машҳурлар ўзига ҳамроҳ излаши шарт эмас, чунки улар қаерга борса ҳам ёнида тансоқчилари бўлади. The Voice Голливуднинг энг зўр тансоқчилари ҳақида маълумот берди.
Меган Маркл
Саройдаги ҳаётдан воз кечиб, Голливудга қочган Сассекс герцогиняси дунёга машҳур модел Ким Кардашяннинг 2016 йилда ўзи учун ишлаган собиқ қўриқчисини ёллади.
Инсайдерлар Маркл бу қўриқчини хавфсизлик учун эмас, алоҳида эътиборга тушиш ва шов-шув учун танлагани ҳақида фикр билдирган. У Шаҳзода Гарри Лондонда отасининг тахтга чиқиш маросимида бўлган пайтда, Меганга тоғда сайр қилишда ҳамроҳлик қилган. Улар Майкл Жексоннинг собиқ қўриқчиси Альберто Альваресни ишдан бўшатишганидан кўп ўтмай, машҳурлар оиласида янги ходим пайдо бўлди.
Бейонсе
Бейонсе ва Жей-Зи ҳар доим бир нечта тансоқчиларни штатда ушлаб туради, бироқ Жулиус де Бур уларнинг энг узоқ вақт хизмат қилган қўриқчиси ҳисобланади. У 2008 йилдан бери бу оила билан ишлайди ва ўз вазифаларига жуда жиддий ёндашади.
“Жисмоний ва психологик мослашувчанлик — бу сизда бўлиши керак бўлган асосий хусусият”, — дейди у интервьюларининг бирида.
Белла Ҳадид
Саймон Нютон Голливуддаги энг кўп талабга эга бўлган тансоқчилардан бири ҳисобланади, Белла Ҳадид у билан 2018 йилдан буён бирга ишлайди. Шунингдек собиқ ҳарбий Майкл Жексон, Кендалл Женнер, Рита Ора, Наоми Кемпбелл ва Кейт Мосс каби машҳурларни қўриқлаган. У машҳурлар оламидаги фаолиятини 2006 йилда бошлаган.
“Машҳурнинг хавфсизлигини назорат қилганингизда, ҳар доим қиладиган ишингиз бўлади. Сафардан олдинги режалаштириш кўп вақтни талаб қилиши мумкин ва кўпинча у ерда бу ишни қилиб бўлмайди. Бундан ташқари, иш куни узоқ, сиз улардан олдин уйғонасиз ва улардан кейин ётасиз. Сиз кунига 16 соат, ҳафтасига етти кун ишлашингиз мумкин”, — дейди Саймон. Бир неча йил олдин Нютон мустақил кино карьерасини бошлашга қарор қилган.
Кайли Женнер
Одатда тансоқчилар ўзларининг машҳур мижозлари соясида қолади, бироқ Тим Чанг 2018 йилда Кайли Женнернинг қизи Стормининг ҳақиқий отаси эканлиги ҳақидаги миш-мишлар пайдо бўлгач, катта машҳурликка эришди. Чанг бу маълумотни расман рад этишга мажбур бўлди.
“Кайли ва Тревисга бўлган чуқур ҳурматим учун очиқ айтаман, Кайли, унинг оиласи билан мулоқотим фақат профессионал вазифалар билан чегараланган”, — дейди қўриқчи.
Бир пайтлар Тим опа-сингиллар Кайли, Ким ва Кортни ҳамда уларнинг фарзандларини қўриқлаган. Чанг Лос-Анжелес полициясида ҳам ишлаган ва унинг ташқи кўриниши узоқ вақтдан бери моделларни ўзига жалб қилган.
Изоҳ (0)