Қашқадарё вилояти Чироқчи туманидаги 19-сонли мактаб- интернат ҳудудида 50 га яқин дарахт кесилгани аниқланди. Табиат ресурслари вазирлиги вилоят бошқармаси ҳолат юзасидан маълумот берди.
Ўрганишлар жараёнида 2022 йил декабрь ойида ҳеч қандай рухсатномасиз дарахтлар кесилганлик ҳолати аниқланган ва ҳозирги пайтда ушбу кесилган дарахтларнинг таг қисмидан ўсиб чиққани маълум бўлган.
Шунингдек, бир дона тол дарахти тўлиқ қуриб кетгани сабабли бошқарманинг мактаб томонидан давлат хизматларига орқали қилган мурожаати бўйича 401-сонли хулоса асосида кесиб олингани аниқланган.
Қолган 42 туп тол дарахтларига тегишли рухсатнома олмасдан кесилган ҳолати бўйича 19-сонли мактаб-интернат директорига нисбатан Маъмурий жавобгарлик тўғрисидаги кодекснинг 79-моддаси билан баённома расмийлаштирилиб, 3 миллион 300 минг сўмдан жарима ҳамда 25 миллион 575 минг сўм зарар қўлланилди.
Изоҳ (0)