Filmlar suratga olinib, tomoshabinga taqdim etilgunga qadar ko‘p mehnatni talab qiladi. Ayrim mashhur filmlarda uddalab bo‘lmaydigan ishlar kompyuter grafikasidan foydalanib amalga oshiriladi, ayrimlarida esa bu hech qanday grafikasisiz suratga olinadi.
“Qora ritsar”
Agar ba’zi ajoyib sahnalarni amaliy effektlar bilan ko‘rsatish mumkin bo‘lsa, Kristofer Nolan buni albatta amalga oshiradi. U “Qora ritsar”da kompyuter grafikasida bajarilgandek ko‘ringan ikkita sahnani tomoshabinlarga taqdim etdi. Birinchi sahna — shifoxonaning portlashi. Ushbu sahna uchun Kristofer Nolan haqiqiy binoni portlatib yubordi. Ikkinchisi — yuk mashinasining 180 darajada burilishi. Aylanish arafasida yuk mashinasidan ulkan chaqnash chiqdi va u ag‘darilib ketdi. Katta makkajo‘xori maydonlari sahnalari uchun Kristofer Nolan haqiqiy makkajo‘xori maydonini yetishtirish uchun ko‘p pul sarfladi. U sarmoyani hosil yordamida qaytarib oldi. “Argument” filmini suratga olish paytida u haqiqiy samolyotni haqiqiy binoga yubordi va xuddi shunday haqiqiy portlashni amalga oshirdi.
“Telba Maks”
“Telba Maks” filmida kompyuter grafikasidan foydalanilgan, deyilsa bu hech kimni hayratga solmas edi. Ajablanarlisi shundaki, filmdagi grafikalardan minimal darajada foydalanilgan. Kinokartinada suratga olish jarayonlari uchun haqiqiy mashinalar qurilgan, olovli ustunlar qurilgan, ular bir vaqtning o‘zida uzun qatorlarda katta tezlikda harakat qilishgan. Masalan, filmdagi qum bo‘roni sahnasida grafikadan foydalanilgan.
“Royal kazinosi”
Jeyms Bond filmlarining bir nechta qismlarini suratga olish uchun Daniyel Kreyg har doim o‘zini mukammal jismoniy holatda ushlab turishi zarur edi, chunki u yugurish, sakrash, jang qilish va ko‘p zarba berish harakatlarini bajarishi kerak bo‘lgan. Bundan tashqari, ba’zi tryuklar shunchalik xavfli ediki, hatto kaskadyorlar ham ularni bajarishdan qo‘rqqan. Bunday tyuklardan biri Mollakning 30 metr balandlikdagi krandan sakrash sahnasi edi. Bu sakrashni friranner Sebastyan Fukan amalga oshirdi. Friranner intervyularidan birida bu holatda asabiylashganini aytgan, chunki u hayotini sug‘urta qilmaganligi sababli xato qila olmas edi.
“Forsaj”
“Forsaj” filmlar turkumini fizika qonunlariga va har qanday sog‘lom fikrlashga e’tibor bermagani uchun xohlagancha tanqid qilish mumkin, biroq bu tomoshabinga bo‘sh vaqt o‘tkazishi uchun zarur bo‘lgan narsa – jo‘shqin va epik harakatni taqdim etadigan loyihaga aylandi. Ajablanarlisi shundaki, grafikaga o‘xshash sahnalarning asosiy qismi tabiiy ravishda suratga olingan.
“Forsaj-6” filmida, tank bilan bog‘liq sahnada haqiqiy tank Ispaniya trassasi bo‘ylab ketayotgan edi, u yo‘lda 250 ga yaqin mashinaga zarar yetkazgan. Filmning yettinchi qismidagi suratga olish ishlari ham qiziq bo‘lib, mashinalar parashyutlarda to‘g‘ridan to‘g‘ri tog‘ yo‘liga tashlangan. Ular haqiqatan ham parashyutda tushib, mashinalarni tor yo‘l bo‘ylab quvib ketishgan. Mashinalar bir-biriga, daraxtlarga to‘qnashishi, katta balandlikdan qulab tushishi — bularning barchasi suratga olish jarayonlarida bo‘lib o‘tgan.
Pol Uoker haqiqatan ham jarlikdan mashina tomon sakrab tushdi, biroq u himoyalangan edi. Kinokartinaning to‘qqizinchi qismida ijodkorlar haqiqiy yuk mashinasidan foydalanishdi, bu filmda kuchli magnit yordamida atrofdagi barcha metallni o‘ziga tortdi. U suratga olish jarayonlarida ishlatiladigan magnit emas edi, biroq og‘ir metall buyumlar aslida suratga olish maydonchasida uchib yurardi.
Bularning barchasi aql bovar qilmaydigan sahnalar va ba’zan skeptiklar tomonidan tanqid qilinadi, biroq hatto eng qizg‘in skeptiklar ham sahna orti kadrlarini ko‘rganlarida jim qoladi.
“Intiho”
“Intiho” nomli filmidagi eng mashhur sahnalardan biri aylanuvchi koridordagi ikki daqiqalik jang sahnasi. Vizual effektlarga murojaat qilmasdan suratga olish uchun Kristofer Nolan haqiqiy aylanuvchi koridorni buyurtma qildi, unda aktyorlar postprodakshnda kiyilgan bog‘ichlar bilan harakat qilgan. Ushbu ikki daqiqali sahnani suratga olish uchun “Intiho” filmining suratga olish guruhi uch hafta vaqt sarfladi, natija esa kutilganidek o‘zini oqladi, chunki sahna film kontekstidan tashqarida ham ajoyib va ta’sirli ko‘rinadi.
“Kelajak chegarasi”
Tom Kruz ham xuddi Kristofer Nolan kabi filmlarida ko‘proq amaliy effektlardan foydalanishga harakat qiladi. Bu nafaqat “Uddalab bo‘lmas topshiriq” loyihasida, balki ekzoskeletlar haqiqiy bo‘lgan “Kelajak chegarasi” filmida ham yaqqol ko‘rinadi. Ularni yaratish uchun 4 oydan 5 oygacha vaqt kerak bo‘ldi, ular ekzoskelet turiga qarab 38 dan 56 kilogrammgacha bo‘lgan. Aktyorni kiyintirish va kostyumini yechishga bir soatcha vaqt ketdi va buning uchun 4 kishi kerak bo‘ldi.
Izoh (0)