Тошкент вилояти ҳокимлигида вилоят Соғлиқни сақлаш бошқармасига раҳбарлик қилиб келаётган Тўрақул Арзиқулов бошқа ишга ўтиши муносабати билан кузатиш маросими ўтказилган. Ва унинг ўрнида бошқа раҳбар иш бошлаган. Бу ҳақда “Дарё”га вилоят ҳокимлиги ахборот хизмати хабар берди.
Тадбирда вилоят ҳокими Зоир Мирзаев бошчилигида сектор раҳбарлари, шаҳар ва туман ҳокимлари, тиббиёт бирлашмасининг масъуллари қатнашган.
“Вилоят ҳокими Зоир Мирзаев Тўрақул Арзиқуловнинг вилоятда соғлиқни сақлаш соҳасини ривожлантиришга қўшган ҳиссасини алоҳида қайд этди ҳамда келгуси фаолиятига омад ва зафарлар тилади. Маросимда сўзга чиққанлар профессор, тиббиёт фанлари доктори Тўрақул Арзиқуловнинг раҳбарлик ва илмий-амалий фаолиятидаги ибратли жиҳатларни алоҳида эътироф қилди”, — дейди вилоят ҳокимлиги ахборот хизмати раҳбари Беҳзод Қобулов.
.jpg)
Қўшимча қилинишича, бошқармага 1984 йилда туғилган ва айни кунга қадар Вазирлар Маҳкамасида Таълим, соғлиқни сақлаш ва спорт масалалари котибияти, Соғлиқни сақлаш ва спорт соҳасидаги ислоҳотларни мувофиқлаштириш шўбаси бош мутахассиси вазифасида ишлаб келган Улуғбек Абдуғаниев тайинланган.
.jpg)
Улуғбек Абдуғаниев Тошкент вилоятининг Бекобод туманида туғилган бўлиб, 2008 йилда Тошкент тиббиёт академиясини, 2010 йилда Республика шошилинч тиббий ёрдам илмий маркази клиник ординатурасини тамомлаган.
Изоҳ (0)